Prabhas: మాకు ఆ లుంగీ లుక్కే కావాలి..

Prabhas: పాన్ ఇండియా స్టార్ ప్రభాస ప్రస్తుతం వరుస సినిమాలతో బిజీగా మారిన విషయం తెల్సిందే. ఇప్పటికే ప్రభాస్ నటించిన ఆదిపురుష్ రిలీజ్ కు రెడీ అవుతుండగా.. మరో మూడు సినిమాలు షూటింగ్ దశలో ఉన్నాయి. అందులో ఒకటి మారుతీ సినిమా. అన్ని పాన్ ఇండియా సినినిమాల మధ్య చిన్న చిత్రంగా తెరకెక్కుతున్నా కూడా ప్రభాస్ నటిస్తుండే సరికి పాన్ ఇండియా ఇమేజ్ ను దక్కించుకుంది. ఇక ఈ చిత్రంలో ప్రభాస్ సరసన ఏకంగా నలుగురు హీరోయిన్లు సందడి చేయనున్నారట. రాజా డీలక్స్ అనే టైటిల్ తో ఫేమస్ అయిన ఈ చిత్రం ఫస్ట్ లుక్ పోస్టర్ కోసం అభిమానులు ఎంతగానో ఎదురుచూస్తున్నారు. అందుకు కారణం.. ప్రస్తుతం ప్రభాస్ చేస్తున్న యాక్షన్ సినిమాలకు విరుద్ధంగా ఈ చిత్రం ఉండనుంది. ఇందులో డార్లింగ్ కామెడీ చేస్తున్నాడట.. అంతేకాకుండా నలుగురు ముద్దుగుమ్మలతో మస్త్ రొమాన్స్ కూడా ఉందని టాక్.

ఇప్పటికే ఈ చిత్రం నుంచి రిలీజైన ప్రభాస్ క్లాస్ లుక్ అదిరిపోయింది. చెక్స్ షర్ట్.. నుదుటిన బొట్టు.. పొడవైన జుట్టుతో డార్లింగ్ అదరగొట్టేశాడు. గత కొన్నిరోజుల నుంచి ఈ సినిమా ఫస్ట్ లుక్ ను త్వరలోనే రిలీజ్ చేయనున్నారట.. అయితే ఆ లుక్ మాత్రం వేరే లెవెల్ అని వార్తలు వినిపిస్తున్నాయి. బియర్డ్ లుక్..టీ షర్ట్ మీద షర్ట్.. ప్రభాస్ అదరగొట్టబోతున్నాడట.. అంతేకాదు ముఖ్యంగా ప్రభాస్ లుంగీ కట్టుకొని కనిపించబోతున్నాడని వార్తలు వస్తున్నాయి. దీంతో ఆ లుంగీ లుక్కే మాకు కావాలి అంటూ అభిమానులు కామెంట్స్ పెడుతున్నారు. నిజం చెప్పాలంటే ఈ మధ్య కాలంలో ప్రభాస్ పక్కా మాస్ యాక్షన్ ఫిల్మ్స్ లోనే కనిపించాడు. ఈ లుక్ కొద్దిగా క్లాస్ గా ఉండేలా కనిపించడంతో ఈ లుక్కే కావాలని డార్లింగ్ ఫ్యాన్స్ డిమాండ్ చేస్తున్నారు. మరి.. ఆ లుక్ ఎలా ఉండబోతుందో చూడాలంటే ఇంకొన్నిరోజులు ఆగాల్సిందే.