Malavika Mohanan: ‘మాస్టర్’ బ్యూటీ కన్ను కూడా రౌడీ హీరోపైనేనా..

మాస్టర్ సినిమాతో అటు కోలీవుడ్ లో ఇటు టాలీవుడ్ లో కుర్రకారుకు క్రష్ లిస్టులోకి చేరిపోయింది మాళవిక మోహనన్. ఈ సినిమా తరువాత కోలీవుడ్ లో వరుస అవకాశాలను అందుకున్న బ్యూటీ ఇటీవలే ధనుష్ సరసన మారన్ లో కనిపించి మెప్పించింది. ఇక సినిమాల విషయం పక్కన పెడితే నిత్యం హాట్ హాట్ ఫోటోషూట్లతో కుర్రకారుకు నిద్రలేకుండా చేస్తోంది. అమ్మడి అందం మెస్మరైజ్ చేసేలా ఉండడంతో ఫాలోవర్స్ కూడా అంతకంతకు పెరుగుతూనే ఉన్నారు. ఇక కొంచెం గ్యాప్ దొరికినా మాళవిక అభిమానులతో టైమ్ స్పెండ్ చేస్తూ ఉంటుంది. తాజాగా ఈ బ్యూటీ #AskMalavika అంటూ అభిమానులతో ప్రత్యేక కార్యక్రమాన్ని నిర్వహించింది.అభిమానుల ప్రశ్నలకు ఎంతో ఓపిగ్గా సమాధానం ఇచ్చింది. ఇక ఈ సెషన్ లో చాలామంది తమ ఫెవరేట్ హీరోల గురించి చెప్పాలని అడుగగా.. మరికొందరు “మీ డ్రీమ్ రోల్ ఏంటి..? తమిళ బిగ్ స్టార్స్ అయిన రజనీకాంత్ విజయ్ లతో కలిసి నటించారు. ఇప్పడు ఎవరితో కలిసి నటించాలని ఎదురుచూస్తున్నారు?” అని అడిగారు.

ఇక వీటికి సమాధానంగా తన మనసులో మాటను బయటపెట్టింది హాట్ బ్యూటీ.. తనకు టాలీవుడ్ రౌడీ హీరో విజయ్ దేవరకొండ తో నటించాలని ఉందని చెప్పుకొచ్చింది. “విజయ్ దేవరకొండ తో కలిసి రొమాంటిక్ లేదా రోమ్ కోమ్ సినిమా చేయాలని ఉంది” అని చెప్పుకొచ్చింది. దీంతో రౌడీ హీరో లిస్ట్ లోకి ఇంకో హీరోయిన్ యాడ్ అయ్యింది. ఇప్పటికే బాలీవుడ్ హీరోయిన్ కియారా అద్వానీ, జాన్వీ కపూర్ లాంటి ముద్దుగుమ్మలు విజయ్ తో నటించాలని ఉందని చెప్పి షాక్ ఇచ్చారు. ఇక తాజాగా ఈ కోలీవుడ్ బ్యూటీ కన్ను కూడా రౌడీ హీరోపైనే ఉందని తెలిసిపోయింది. నిజం చెప్పాలంటే విజయ్ తో నటించే అవకాశం మాళవిక ముందే కొట్టేసింది. ప్రముఖ నిర్మాణ సంస్థ మైత్రీ మూవీ మేకర్స్ వారు విజయ్, మాళవిక జంటగా హీరో అనే సినిమాను లైన్లో పెట్టారు. అయితే కొన్ని కారణాల వలన అది పట్టాలెక్కలేదు. మరి ఈసారి అయిన ‘మాస్టర్’ బ్యూటీ కల నెరవేరుతుందో లేదో చూడాలి.

Really want to act in a romantic or rom com movie with Vijay Deverakonda 🙂 https://t.co/jWAN9QSn8e

— Malavika Mohanan (@MalavikaM_) May 18, 2022