Mahesh Babu: రీజనల్ సినిమాతో ఆర్ ఆర్ ఆర్ రికార్డ్ లేస్తుందా?

“అన్ని సెంటర్స్ లో రాజమౌళి సినిమాల కలెక్షన్స్ ఫిగర్స్ కి దగ్గరగా ఉంటాం” ఇది గుంటూరు కారం ప్రొడ్యూసర్ నాగ వంశీ ఇటీవలే ఇచ్చిన ఒక ఇంటర్వ్యూలో చెప్పిన మాట. ఈ మాటని మహేష్ నిజం చేసి చూపించేలా ఉన్నాడు. మాటల మాంత్రికుడు త్రివిక్రమ్ తో 13 ఏళ్ల తర్వాత సినిమా చేస్తున్న మహేష్, గుంటూరు కారం సినిమాతో మాస్ అవతారంలోకి వచ్చేసాడు. ఎవరెన్ని పాన్ ఇండియా సినిమాలు చేసినా ఇప్పటివరకూ రీజనల్ సినిమాలు మాత్రమే చేస్తూ వస్తున్న మహేష్ బాబు, మొదటిసారి రాజమౌళితో నెక్స్ట్ సినిమా చేయడానికి రెడీ అయ్యాడు అంటే మహేష్ నుంచి వచ్చే లాస్ట్ రీజనల్ సినిమా గుంటూరు కారం మాత్రమే. జక్కన్నతో సినిమాతో అంటే మహేష్ మూడున్నర ఏళ్లు తెరపై కనిపించే అవకాశమే లేదు అందుకే గుంటూరు కారం మూవీతో రాజమౌళి రికార్డులని రీచ్ అవ్వడానికి ప్రయత్నాలు జరుగుతున్నాయి.

నైజాంలో ఇప్పటికే సాలిడ్ నంబర్ ఆఫ్ థియేటర్స్ గుంటూరు కారం అండర్ లోకి వెళ్లిపోయాయి. రీజనల్ సినిమాతో మహేష్ బాబు వంద కోట్ల ఓపెనింగ్స్ రాబడతాడు అంటూ మహేష్ ఫ్యాన్స్ కాన్ఫిడెంట్ గా చెప్తున్నారు. ఇది చాలదన్నట్లు యు.ఎస్.ఏలో గుంటూరు కారం సినిమాకి 5408 ప్రీమియర్ షోస్ కేటాయించారు. ఆర్ ఆర్ ఆర్ తర్వాత ఆ స్థాయి షోస్ పడుతుంది గుంటూరు కారం సినిమాకే. మామూలుగానే మహేష్ బాబు అమెరికాలో సాలిడ్ కలెక్షన్స్ ని రాబడుతూ ఉంటాడు. యు.ఎస్. ఏలో మహేష్ బాబుకి ఉన్న రికార్డ్స్ వేరే ఏ హీరోకి లేవు. ఇప్పుడు ఆర్ ఆర్ ఆర్ రేంజులో షోస్ పడుతున్నాయి అంటే ఆర్ ఆర్ ఆర్ ప్రీమియర్స్ రికార్డ్స్ ని గుంటూరు కారం టార్గెట్ చేస్తున్నట్లే ఉంది.

ఆర్ ఆర్ ఆర్ సినిమా ప్రీమియర్స్+డే 1 కలిపి యు.ఎస్.ఏలో 5.5 మిలియన్ డాలర్స్ ని రాబట్టింది. ఇటీవలే సలార్ సినిమా 3.8 మిలియన్ డాలర్స్ ని రాబట్టింది. గుంటూరు కారం సినిమా 5.5 మిలియన్ బ్రేక్ చేయకున్నా… సలార్ 3.8 దాటితే మాత్రం సింగిల్ లాంగ్వేజ్ సినిమాల కలెక్షన్స్ విషయంలో అద్భుతం జరిగినట్లే. మరి రికార్డ్ నంబర్ ఆఫ్ షోస్ తో గుంటూరు కారం సినిమా ఆర్ ఆర్ ఆర్ ని టార్గెట్ చేస్తుందా? సలార్ ని బీట్ చేస్తుందా లేదా అనేది తెలియాలి అంటే మరి కొన్ని రోజులు ఆగాల్సిందే.