Lenin Movie Postponed : “లెనిన్” రిలీజ్ వాయిదా… జూలై సెంటిమెంట్ వర్కౌట్ అవుతుందా ?

Lenin Movie Postponed : ఈ మధ్యకాలంలో తెలుగు సినీ పరిశ్రమలో యువ హీరోల సినిమాలపై ప్రేక్షకుల అంచనాలు ఎలా పెరుగుతున్నాయో ప్రత్యేకంగా చెప్పాల్సిన అవసరం లేదు. ఒక మంచి టైటిల్, ఆకట్టుకునే గ్లింప్స్, హార్ట్ టచింగ్ పాటలు ఉంటే చాలు, సినిమా విడుదలకు ముందే అభిమానుల్లో భారీ ఆసక్తి నెలకొంటుంది. ప్రస్తుతం అక్కినేని అభిమానులు ఎంతో ఆసక్తిగా ఎదురుచూస్తున్న చిత్రాల్లో ‘లెనిన్’ ఒకటి. అయితే ఈ సినిమా కోసం ఆసక్తిగా ఎదురు చూస్తున్న అభిమానులకు తాజాగా ఒక చిన్న నిరాశ ఎదురైంది. ఈ నెల 26న విడుదల కావాల్సిన ‘లెనిన్’ చిత్రం వాయిదా పడినట్లు సమాచారం బయటకు రావడంతో అభిమానులు నిరాశచెందుతున్నారు.

సినిమా వర్గాల సమాచారం ప్రకారం, ‘లెనిన్’ చిత్రం అనుకున్న తేదీకి విడుదల కాకుండా జూలై మధ్యలో ప్రేక్షకుల ముందుకు వచ్చే అవకాశాలు కనిపిస్తున్నాయి. అధికారికంగా కొత్త విడుదల తేదీ ప్రకటించాల్సి ఉన్నప్పటికీ, వాయిదా వార్త మాత్రం అభిమానుల్లో చర్చకు దారి తీసింది. అయితే చిత్రబృందం సినిమా నాణ్యత విషయంలో ఎలాంటి రాజీ పడకుండా, మరింత మెరుగైన అవుట్‌పుట్‌తో ప్రేక్షకుల ముందుకు తీసుకురావాలనే ఉద్దేశంతోనే ఈ నిర్ణయం తీసుకున్నట్లు టాక్ వినిపిస్తోంది.

‘లెనిన్’పై ఇప్పటికే మంచి బజ్ ఏర్పడింది. పాటలకు ఇప్పటికే ప్రేక్షకుల నుంచి అద్భుతమైన స్పందన వస్తోంది. ముఖ్యంగా సినిమా టైటిల్ గ్లింప్స్, ‘సోల్ ఆఫ్ లెనిన్’ వంటి ప్రమోషనల్ కంటెంట్ సోషల్ మీడియాలో భారీ ఆదరణ పొందాయి. దీంతో సినిమాపై ప్రేక్షకుల్లో ఆసక్తి మరింత పెరిగింది. ఇక తెలుగు సినిమా చరిత్రను పరిశీలిస్తే జూలై నెల అనేక బ్లాక్‌బస్టర్ చిత్రాలకు వేదికగా నిలిచింది. ‘ఇంద్ర’, ‘సింహాద్రి’, ‘మగధీర’, ‘బాహుబలి’ వంటి భారీ విజయాలు సాధించిన చిత్రాలు కూడా ఇదే కాలంలో ప్రేక్షకుల ముందుకు వచ్చాయి. అందుకే చాలామంది అభిమానులు ‘లెనిన్’ విడుదల వాయిదాను ప్రతికూలంగా భవించడంలేదు. మంచి సినిమా ఎప్పుడు వచ్చినా ప్రేక్షకులు ఆదరిస్తారనే నమ్మకంతో ఉన్నారు చిత్ర యూనిట్.

అక్కినేని అభిమానుల అంచనాలు కూడా ఈ సినిమాపై భారీగా ఉన్నాయి. గత కొంతకాలంగా సరైన మాస్, ఎమోషనల్ హిట్ కోసం ఎదురుచూస్తున్న అభిమానులు ‘లెనిన్’పై ప్రత్యేక ఆశలు పెట్టుకున్నారు. అఖిల్ కెరీర్ కి కూడా ఈ సినిమా హిట్ చాలా అవసరం. ప్రమోషన్స్ కు వస్తున్న స్పందనను చూస్తే సినిమా విడుదలకు ముందే మంచి క్రేజ్ సంపాదించుకున్నట్లు తెలుస్తోంది. అందుకే విడుదల తేదీ మారినా, సినిమా ప్రభావం తగ్గదనే అభిప్రాయం ఇండస్ట్రీ వర్గాల్లో వ్యక్తమవుతోంది. ఇప్పటికైతే ‘లెనిన్’ అభిమానులు ఇంకొన్ని వారాలు ఓపిక పట్టాల్సిందే. కానీ ఆలస్యంగా వచ్చినా భారీ విజయంతో రావాలనే ఆశతో అందరూ ఎదురుచూస్తున్నారు. సినిమా విడుదలైన తర్వాత ఈ అంచనాలను అందుకుంటుందా లేదా అన్నది చూడాల్సి ఉంది. ప్రస్తుతం మాత్రం ‘లెనిన్’ జూలై విడుదలపై అందరి దృష్టి ఉంది.