ఆర్​ఆర్​ఆర్​, రాధేశ్యామ్ బాట‌లో మ‌రో పాన్ ఇండియా మూవీ..

ఒమిక్రాన్ ఎంట్రీతో మ‌రోసారి క‌రోనా మ‌హ‌మ్మారి రెచ్చిపోతోంది.. థ‌ర్డ్ వేవ్ రూపంలో విరుచుకుప‌డుతోంది.. ఈ స‌మ‌యంలో.. అన్ని రాష్ట్రాలు ఆంక్ష‌ల బాట‌ప‌డుతున్నాయి.. నైట్ క‌ర్ఫ్యూ, వీకెండ్ లాక్‌డౌన్ అమ‌లు చేస్తున్నాయి కొన్ని రాష్ట్రాలు.. మ‌రికొన్ని చోట్ల 50 శాతం ఆక్యూపెన్సీతో సినిమాల ప్ర‌ద‌ర్శ‌న‌కు అనుమ‌తి ఇస్తున్నారు.. ఇది, పెద్ద సినిమాల‌పై తీవ్ర ప్ర‌భావాన్ని చూపిస్తోంది.. ఈ నేప‌థ్యంలోనే ప‌లు సినిమాలు వాయిదా బాట ప‌ట్టాయి.. సంక్రాంతి సీజన్​లో విడుదల కావాల్సిన ‘ఆర్​ఆర్​ఆర్’​, ‘రాధేశ్యామ్’​ వంటి పాన్​ ఇండియా మూవీల విడుద‌ల‌ను వాయిదా వేయ‌గా.. తాజాగా, మరో పాన్​ ఇండియా మూవీ రిలీజ్‌కు కూడా బ్రేక్‌లు ప‌డ్డాయి.. కన్నడ స్టార్​ హీరో సుదీప్​ టైటిల్ పాత్రలో నటించిన విక్రాంత్​ రోణ మూవీ కూడా అదే బాట‌ప‌ట్టింది..

Read Also: పంజాబ్ పాలిటిక్స్‌.. రాహుల్ గాంధీ ఆస‌క్తిక‌ర వ్యాఖ్య‌లు.. అంతా సైలెంట్..!

సుదీప్ హీరోగా అనూప్​ భండారి దర్శక‌త్వంలో విక్రాంత్​ రోణ త్రీడీ మూవీగా తెర‌కెక్కుతోంది.. కానీ, ప్ర‌స్తుతం క‌రోనా ఉధృతి ఓవైపు.. థియేటర్లలో పూర్తిగా లేని ఆక్యుపెన్సీ వంటి నిబంధనల మ‌రోవైపు.. ఇబ్బందిగా మారిన నేప‌థ్‌యంలో.. ‘విక్రాంత్ రోణ’ సినిమాను వాయిదా వేస్తున్నట్లు మేక‌ర్స్ వెల్ల‌డించారు.. ఇక‌, ఓటీటీలో భారీ ఆఫర్​ వచ్చినా ప్రేక్షకులకు థియేట్రికల్​ అనుభూతిని ఇవ్వాలనే.. సినిమా విడుద‌ల వాయిదా వేసిన‌ట్టు చెబుతున్నారు.. 14 భాషల్లో 55 దేశాల్లో త్రీడీలో ఫిబ్రవరి 24న ఈ చిత్రాన్ని విడుదల చేసేందుకు సిద్ధ‌మ‌య్యారు మేక‌ర్స్‌.. కానీ, కోవిడ్ దెబ్బ‌కు వాయిదా వేస్తున్న‌ట్టు ప్ర‌క‌టించారు.