AP MPTC, ZPTC Elections 2026: ఏకగ్రీవమైన స్థానాలెన్ని? బరిలో ఉన్న అభ్యర్థులెంతమంది?
- Follow Us :
-
-
Add as a preferred
source on google
AP MPTC, ZPTC Elections 2026: ఆంధ్రప్రదేశ్లో స్థానిక సంస్థల ఎన్నికలు హీట్ పెంచుతున్నాయి.. ఇప్పుడు ఎంపీటీసీ (MPTC), జెడ్పీటీసీ (ZPTC) ఎన్నికలకు సంబంధించి అభ్యర్థుల వివరాలు ఆసక్తికరంగా మారాయి. రాష్ట్రవ్యాప్తంగా ఎంపీటీసీ, జెడ్పీటీసీ స్థానాలకు పెద్ద సంఖ్యలో అభ్యర్థులు పోటీలో నిలిచారు. కొన్ని స్థానాలు ఏకగ్రీవం కాగా, మిగిలిన స్థానాలకు ఎన్నికలు జరగనున్నాయి. పార్టీలు, స్వతంత్ర అభ్యర్థుల మధ్య పోటీ నెలకొంది.
ఎంపీటీసీ ఎన్నికల ముఖ్యాంశాలు
రాష్ట్రవ్యాప్తంగా మొత్తం 9,829 ఎంపీటీసీ స్థానాలకు నోటిఫికేషన్ జారీ చేశారు. వీటిలో 1,985 స్థానాలు ఏకగ్రీవమయ్యాయి. మిగిలిన 7,844 స్థానాలకు ఎన్నికలు జరగనున్నాయి. ఈ స్థానాల కోసం మొత్తం 18,952 మంది అభ్యర్థులు పోటీలో ఉన్నారు. ఇక, పార్టీల వారీగా చూస్తే, వైఎస్సార్సీపీ నుంచి అత్యధికంగా 7,632 మంది అభ్యర్థులు బరిలో ఉన్నారు. టీడీపీ నుంచి 6,423 మంది, జనసేన పార్టీ (JSP) నుంచి 1,521 మంది పోటీ చేస్తున్నారు. స్వతంత్ర అభ్యర్థులుగా 2,239 మంది తమ అదృష్టాన్ని పరీక్షించుకుంటున్నారు. కాంగ్రెస్ (INC) నుంచి 326 మంది, బీజేపీ నుంచి 285 మంది, సీపీఐ(ఎం) నుంచి 259 మంది, బీఎస్పీ నుంచి 133 మంది, ఇతర పార్టీల నుంచి 131 మంది పోటీలో ఉన్నారు. ఆమ్ ఆద్మీ పార్టీ (AAP) నుంచి ముగ్గురు అభ్యర్థులు బరిలో నిలిచారు.
Also Read
జెడ్పీటీసీ ఎన్నికల బరిలో 2,169 మంది అభ్యర్థులు
జెడ్పీటీసీ ఎన్నికలకు సంబంధించి రాష్ట్రవ్యాప్తంగా మొత్తం 659 స్థానాలకు నోటిఫికేషన్ జారీ చేశారు. వీటిలో 77 స్థానాలు ఏకగ్రీవమయ్యాయి. మిగిలిన 582 స్థానాలకు ఎన్నికలు జరగనున్నాయి. ఈ స్థానాల కోసం మొత్తం 2,169 మంది అభ్యర్థులు పోటీలో ఉన్నారు. పార్టీల వారీగా చూస్తే.. వైఎస్సార్సీపీ నుంచి 574 మంది అభ్యర్థులు పోటీ చేస్తున్నారు. స్వతంత్ర అభ్యర్థులు 503 మంది బరిలో ఉండగా, టీడీపీ నుంచి 452 మంది పోటీలో నిలిచారు. కాంగ్రెస్ నుంచి 270 మంది, జనసేన నుంచి 109 మంది, బీఎస్పీ నుంచి 107 మంది అభ్యర్థులు బరిలో ఉన్నారు. ఇక ఇతర పార్టీల నుంచి 64 మంది, సీపీఐ(ఎం) నుంచి 47 మంది, బీజేపీ నుంచి 34 మంది, ఆమ్ ఆద్మీ పార్టీ నుంచి తొమ్మిది మంది అభ్యర్థులు జెడ్పీటీసీ ఎన్నికల్లో తమ అదృష్టాన్ని పరీక్షించుకోనున్నారు.
పల్నాడు, వైఎస్సార్ కడప జిల్లాల్లో అత్యధిక ఏకగ్రీవాలు
జిల్లాల వారీగా ఏకగ్రీవాల వివరాలను పరిశీలిస్తే పల్నాడు జిల్లా ముందంజలో ఉంది. ఈ జిల్లాలో అత్యధికంగా 382 ఎంపీటీసీ స్థానాలు, 18 జెడ్పీటీసీ స్థానాలు ఏకగ్రీవమయ్యాయి. వైఎస్సార్ కడప జిల్లాలోనూ పెద్ద సంఖ్యలో స్థానాలు ఏకగ్రీవమయ్యాయి. ఇక్కడ 358 ఎంపీటీసీ స్థానాలు, 23 జెడ్పీటీసీ స్థానాలు ఏకగ్రీవంగా ఎన్నికయ్యాయి. దీంతో ఈ రెండు జిల్లాల్లో స్థానిక సంస్థల ఎన్నికల ఫలితాల్లో ఏకగ్రీవాలకు ప్రాధాన్యం కనిపిస్తోంది. మొత్తంగా ఎంపీటీసీ, జెడ్పీటీసీ ఎన్నికల్లో వైఎస్సార్సీపీ, టీడీపీతో పాటు జనసేన, కాంగ్రెస్, బీజేపీ, ఇతర పార్టీల అభ్యర్థులు పోటీలో ఉన్నారు. స్వతంత్ర అభ్యర్థులు కూడా గణనీయమైన సంఖ్యలో బరిలో ఉండటంతో స్థానిక స్థాయిలో పోటీ ఆసక్తికరంగా మారింది.
తాజావార్తలు
-
NZ vs IND 1st Test: నికోల్స్ సెంచరీ, ఫిలిప్స్ విధ్వంసం.. 70కే 5 వికెట్స్ కోల్పోయినా కివీస్దే పైచేయి!
-
AP Panchayat Elections: పంచాయతీ ఎన్నికల సందడి.. తుది దశ నోటిఫికేషన్ విడుదల.. పూర్తి వివరాలు..!
-
Marriages: “పెళ్లి వద్దు.. సింగిల్ లైఫే బెటర్”.. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
-
Trump-Putin-Xi Jinping Meeting: యాల్టా 2.0 అంటే ఏమిటి? ట్రంప్, పుతిన్, జిన్పింగ్ సమావేశం వెనుక అసలు కథ ఇదే!
-
World Cup Final 2023: నవంబర్ 19.. భారత క్రికెట్ అభిమానులు ఎప్పటికీ మర్చిపోలేని చేదు జ్ఞాపకం..
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!