యష్ హీరోగా గీతూ మోహన్ దాస్ దర్శకత్వంలో తెరకెక్కుతున్న ‘టాక్సిక్’ ఇప్పటికే షూటింగ్ పూర్తి చేసుకుని, ప్రపంచవ్యాప్తంగా భారీ విడుదలకు సిద్ధమవుతున్న క్రమంలో ఒక ఆసక్తికరమైన వార్త ప్రస్తుతం ఫిల్మ్ నగర్ వర్గాల్లో చక్కర్లు కొడుతోంది. ఈ చిత్రంలో హీరోయిన్ అయిన బాలీవుడ్ బ్యూటీ కియారా అద్వానీ, సినిమా ఫైనల్ కట్ చూసిన తర్వాత చిత్ర బృందానికి ఒక షాకింగ్ రిక్వెస్ట్ పెట్టినట్లు సమాచారం. సినిమా షూట్ సమయంలో దర్శకురాలు గీతూ మోహన్ దాస్ కథా పరంగా కొన్ని బోల్డ్, ఇంటిమేట్ సీన్లను యష్, కియారా అద్వానీపై చిత్రీకరించారు. షూటింగ్ సమయంలో కియారా ఈ సీన్లలో నటించడానికి పూర్తి అంగీకారం తెలిపినా, ఇటీవల సినిమా పూర్తి ఫైనల్ కట్ చూసిన కియారా, ఆ సీన్లను చూసి ఒక్కసారిగా షాక్కు గురైనట్లు తెలుస్తోంది.
స్క్రీన్ పై ఆ సన్నివేశాలు చాలా బోల్డ్ గా కనిపిస్తుండటంతో, తన ఇమేజ్ కు ఎక్కడ దెబ్బ తగులుతుందోనని కియారా ఆందోళన చెందుతున్నారట. ఆ సీన్లను పూర్తిగా తొలగించాలని లేదా వాటి నిడివిని గణనీయంగా తగ్గించాలని ఆమె హీరో యష్, దర్శకురాలు గీతూను కోరినట్లు టాక్. గీతూ మోహన్ దాస్ ఈ సినిమాను ఒక ‘పెద్దల కోసం రూపొందించిన అద్భుత కథ’ (A Fairy Tale for Grown-Ups) అని చెబుతున్నారు కాబట్టి ఆ సీన్లు కథలో అంతర్భాగమని, వాటిని తీసేస్తే ఇంపాక్ట్ తగ్గుతుందని భావిస్తున్నట్లు సమాచారం. కియారా అద్వానీ ఇప్పటికే బాలీవుడ్ లో టాప్ హీరోయిన్ గా కొనసాగుతోంది. ఆమె కెరీర్ ప్రారంభంలో ‘లస్ట్ స్టోరీస్’ వంటి చిత్రాల్లో బోల్డ్ గా నటించినప్పటికీ, ఇప్పుడు తన ఫ్యామిలీ ఆడియన్స్ ఇమేజ్ ను కాపాడుకోవాలని చూస్తోంది. ముఖ్యంగా పెళ్లి తర్వాత ఆమె ఎంచుకునే పాత్రల విషయంలో చాలా జాగ్రత్తగా వ్యవహరిస్తోంది.