RRR: నెట్టింట్లో తాండవం చేస్తోన్న తారక్ సీన్

Jr NTR Tuck Scene in RRR Creating Sensation In Internet: దర్శకధీరుడు రాజమౌళి రూపొందించిన ‘ఆర్ఆర్ఆర్’ సినిమా రిలీజై నెలలు గడుస్తోంది. అయినా ఇప్పటికీ దీని క్రేజ్ ఏమాత్రం తగ్గట్లేదు. థియేట్రికల్ రన్‌లో బాక్సాఫీస్ పరంగా ఎన్నో రికార్డులు నమోదు చేసిన ఈ చిత్రం.. ఓటీటీలో విడుదలైనప్పటి నుంచి అక్కడా రికార్డుల పర్వాన్ని కొనసాగిస్తోంది. నెట్‌ఫ్లిక్స్‌లో మూడు వారాలపాటు నాన్-హిందీ కేటగిరీలో అగ్రస్థానాన్ని కైవసం చేసుకొని, ఈ ఫీట్ సాధించిన తొలి భారతీయ చిత్రంగా చరిత్రపుటలకెక్కింది. అంతేకాదు, ఎందరో హాలీవుడ్ టెక్నీషియన్స్‌ని సైతం ఈ చిత్రం ఫిదా చేసింది. ఈ సినిమాని చూసిన చాలామంది విదేశీయులు, తమ ఎగ్జైట్‌మెంట్‌ని సోషల్ మీడియాలో పంచుకున్నారు. ఓ హాలీవుడ్ సెలెబ్రిటీ అయితే, ఇలాంటి యాక్షన్ భరిత చిత్రాన్ని ఎన్నడూ చూడలేదంటూ ఆర్ఆర్ఆర్‌ని తారాస్థాయిలో కొనియాడాడు.

ఇప్పుడు లేటెస్ట్‌గా ఈ సినిమాలో ఇంటర్వెల్‌కి ముందు ఓ ట్రక్కులో పులులు, జింకలు, ఎలుగుబంట్లు, నక్కలతో జూ. ఎన్టీఆర్ ఎంట్రీ ఇచ్చే సన్నివేశం నెట్టింట్లో తాండవం చేస్తోంది. ఓ వెస్టర్న్ యూజర్ ఈ సీన్‌ని ట్విటర్‌లో షేర్ చేయగా.. అది అక్షరాల 12 మిలియన్ వ్యూస్ రాబట్టింది. అది కూడా కేవలం రెండు రోజుల వ్యవధిలోనే! ఏ భారతీయ సినిమా వీడియో కూడా, ఈ స్థాయిలో ప్రభంజనం సృష్టించిన దాఖలాలు లేవు. అతను ఆ వీడియోని షేర్ చేస్తూ.. ‘‘నేను ఇప్పటివరకూ 29 మార్వెల్ సినిమాటిక్ యూనివర్స్ సినిమాల్ని చూశాను. కానీ, ఆర్ఆర్ఆర్‌లో ఉన్న ట్రక్ లాంటి అద్భుతమైన షాట్‌ని ఎప్పుడు చూడలేదు’’ అంటూ పేర్కొన్నాడు. ఈ ట్వీట్ పుణ్యమా అని.. ఆర్ఆర్ఆర్ సినిమా చర్చలు మరోసారి నెట్టింట్లో మొదలయ్యాయి. జూ. ఎన్టీఆర్ పేరు కూడా గ్లోబల్‌గా ట్రెండ్ అవుతోంది. ఇది తారక్ ఫ్యాన్స్‌కే కాదు.. తెలుగు ప్రేక్షకులకూ గర్వించదగ్గ విషయమే!

I’ve watched 29 MCU movies.

I’ve never seen a shot as ridiculous and incredible as this truck/animal shot in RRR (on Netflix) pic.twitter.com/JTheyZIYB7

— Nate Offord (@NateOfford) July 17, 2022