Jawan: రామయ్యా వస్తావయ్యా.. బాద్షా స్టైల్ కు తిరుగేలేదయ్యా

Jawan: బాలీవుడ్ బాద్షా షారుఖ్ ఖాన్, లేడీ సూపర్ స్టార్ నయనతార జంటగా అట్లీ దర్శకత్వంలో తెరకెక్కుతున్న చిత్రం జవాన్. రెడ్ చిల్లీస్ బ్యానర్ పై షారుఖ్ భార్య గౌరీ ఖాన్ ఈ సినిమాను నిర్మిస్తుంది. ఇప్పటికే ఈ సినిమా నుంచి రిలీజైన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకుంటున్నాయి. ఇక సెప్టెంబర్ 7 న ఈ సినిమా అన్ని భాషల్లో ప్రేక్షకుల ముందుకు రానుంది. దీంతో ప్రమోషన్స్ మొదలుపెట్టిన మేకర్స్ .. సినిమా లోని ఒక్కో సాంగ్ ను రిలీజ్ చేస్తూ హైప్ పెంచేస్తున్నారు. ఇక ఈ నేపథ్యంలోనే మరో కొత్త సాంగ్ ను రిలీజ్ చేయడానికి ముహూర్తం ఖరారు చేశారు. రామయ్యా.. వస్తావయ్యా అంటూ సాగే ఈ సాంగ్ ప్రోమోను తాజాగా మేకర్స్ రిలీజ్ చేశారు. ప్రోమోలో షారుఖ్ లుక్ వేరే లెవెల్ లో ఉంది.

Nandamuri Family: అన్నగారి కుటుంబం.. అసలైనవాడు కూడా ఉంటే.. ?

అప్పుడేమో చయ్య చయ్యారే.. ఇప్పుడేమో తాతా.. తయ్యారే అంటూ షారుఖ్ పబ్ లో పాడుతూ కనిపించాడు. చంద్రబోస్ అందించిన లిరిక్స్.. అనిరుధ్ మ్యూజిక్.. వింటుంటే ఇది కూడా ఒక చార్ట్ బస్టర్ సాంగ్ లా నిలిచేలా ఉందని చెప్పొచ్చు. ఇక ఈ ఫుల్ సాంగ్ ను రేపు రిలీజ్ చేయనున్నట్లు మేకర్స్ తెలిపారు. షారుఖ్ డ్యాన్స్ , స్టైల్, స్వాగ్.. ఈ సాంగ్ లో అదిరిపోయాయని చెప్పాలి. దీంతో ఈ సాంగ్ కోసం అభిమానులు ఎంతగానో ఎదురుచూస్తున్నారు. ఇక ఈ సినిమాపై కూడా అభిమానులు భారీ అంచనాలు పెట్టుకున్నారు. అందుకు తగ్గట్టుగానే అట్లీ సినిమాను చెక్కాడని అర్ధమవుతుంది. మరి ఈ సినిమాతో షారుఖ్ ఎలాంటి హిట్ ను అందుకుంటాడో చూడాలి.