ప్రస్తుతం ప్రతి సినిమాలోనూ సీనియర్ స్టార్ హీరోయిన్ల ఎంట్రీ ఉంటుంది. ఇది ఒక ట్రెండ్ గా నడుస్తుంది అని చెప్పాలి. ఇటీవల రాధేశ్యామ్ చిత్రంలో సీనియర్ స్టార్ హీరోయిన్ భాగ్యశ్రీ రీ ఎంట్రీ ఇచ్చిన సంగతి తెల్సిందే. ఇక రాధికా, ఖుష్బూ, నదియా, ఆమని లాంటి వారు స్టార్ హీరోల సినిమాల్లో కీలక పాత్రల్లో నటిస్తూ మెప్పిస్తున్నారు. ఇక వీరితో పాటు స్టార్ హీరోయిన్ గా పేరు దక్కించుకున్న సీనియర్ నటి ఇంద్రజ.. ప్రస్తుతం వరుస సినిమాలతో బిజీగా మారుతోంది. ఇటీవలే స్టాండప్ రాహుల్ చిత్రంలో రాజ్ తరుణ్ తల్లి పాత్రలో నటిస్తోంది.. త్వరలోనే ఈ సినిమా రిలీజ్ కి సిద్దమవుతుంది. ఇదిలా ఉండగా ప్రస్తుతం ఇంద్రజ కు వచ్చిన ఆఫర్ గురించి సోషల్ మీడియాలో వార్తలు గుప్పుమంటున్నాయి.
పాన్ ఇండియా సినిమాగా తెరకెక్కుతున్న పుష్ప 2 లో ఇంద్రజకు ఆఫర్ వచ్చిందని ఆ వార్త సారాంశం. ఒక కీలక పాత్ర కోసం సుకుమార్, ఇంద్రజాను సంప్రదించారట. ఇక ఈ వార్తతో ఇంద్రజ టాలీవుడ్ లో హాట్ టాపిక్ గా మారింది. పుష్ప సినిమాలో ఉన్నవారే పుష్ప 2 లో ఉంటారట.. అయితే పుష్ప 2 లో కథను కొత్తగా మలుస్తున్నారని, అందుకు తగ్గట్టే పాత్రలను ఎంచుకుంటున్నాడట సుకుమార్. ఇక పాన్ ఇండియా స్టార్ తో ఆఫర్ అంటే సీనియర్ నటి ఇంద్రజకు ముందు ముందు పెద్ద స్థాయిలో అవకాశాలు వస్తాయని అభిమానులు గుసగుసలాడుతున్నారు. ఇక ఇదే కనుక నిజమైతే ఇంద్రజ రేంజ్ ఎక్కడికో వెళ్లిపోతుంది అనడంలో ఎటువంటి సందేహం లేదు.
