నీకన్నా మా పనిమనిషి అందంగా ఉంటుంది.. స్టార్ హీరోయిన్ షాకింగ్ ఆన్సర్
- Follow Us :
-
-
Add as a preferred
source on google
బాలీవుడ్ భామ స్వరా భాస్కర్ కి వివాదాలు కొత్త కాదు.. నిత్యం ఏదో ఒక వివాదంలో ఇరుక్కోవడం ఆమెకు అలవాటుగా మారిపోయింది. అభ్యంతరకరమైన వ్యాఖ్యలు చేస్తూ ట్విట్టర్ లో పోస్ట్ చేయడం.. వాటిని నెటిజన్స్ ట్రోల్స్ చేయడం సర్వ సాధారణంగా మారిపోయింది. ఇక తాజాగా మరోసారి అమ్మడిపై నెటిజన్లు విరుచుకుపడ్డారు. ఇటీవల స్వరా భాస్కర్ ఈ మధ్యే ఓ మైక్రో బ్లాగింగ్‌ను మొదలుపెట్టింది. అందులో మొదటిసారిగా ఆమె చీరలో ఉన్న ఒక ఫోటోను పోస్ట్ చేసింది.
ఇక ఈ ఫోటోపై నెటిజన్లు తమదైన రీతిలో విరుచుకుపడుతున్నారు. ” నీకన్నా మా పనిమనిషి చీరలో ఇంకా అందంగా ఉంటుంది..” అని ఒక నెటిజన్ దారుణంగా కామెంట్ పెట్టాడు. ఇక ఈ కామెంట్ కి స్వరా కూడా అంతే ఘాటుగా రిప్లై ఇవ్వడం ప్రస్తుతం చర్చనీయాంశంగా మారింది. ” నాకన్నా మీ పనిమనిషి చీరలో చాలా బావుంటుందని నేను కూడా అనుకుంటున్నాను. ఆమెకు, ఆమె మీకు చేసే పనికి మీరు గౌరవం ఇవ్వాలని కోరుకొంటున్నాను.. ఆమెను ఎప్పుడు అసభ్యంగా కానీ, చులకన కానీ మాట్లాడకుండా చాలా మర్యాదగా వ్యవహరిస్తారని కోరుకుంటున్నాను” అంటూ చెప్పుకొచ్చింది. ప్రస్తుతం ఈ ట్వీట్ నెట్టింట వైరల్ గా మారింది. ఆ నెటిజన్ కి ఘాటుగా చెప్పారు అంటూ స్వరాను పలువురు ప్రశంసిస్తున్నారు.