ప్రిన్స్ మహేశ్ మేనల్లుడు ‘హీరో’గా వచ్చేది ఎప్పుడంటే….

మెగాస్టార్ చిరంజీవి, కింగ్ నాగార్జున మేనల్లుళ్లు ఇప్పుడు తెలుగు చిత్రసీమలో తమకంటూ ఓ గుర్తింపును సంపాదించుకున్నారు. త్వరలో కృష్ణ మనవడు, మహేశ్ బాబు మేనల్లుడు సైతం ‘హీరో’గా సై అనబోతున్నాడు. నిజానికి ‘దిల్’ రాజు నిర్మాతగా మహేశ్ బాబు మేనల్లుడు అశోక్ గల్లా హీరోగా ఎప్పుడో ఒక సినిమా రావాల్సింది. కానీ ఆ ప్రాజెక్ట్ కు బ్రేక్ పడటంతో ఇప్పుడు అశోక్ ను హీరోగా పరిచయం చేస్తూ అతని తల్లిదండ్రులు గల్లా పద్మావతి, గల్లా జయదేవ్ ‘హీరో’ సినిమాను నిర్మించారు. ఈ సినిమాకు సూపర్ స్టార్ కృష్ణ, ఆయన వియ్యపురాలు గల్లా అరుణ కుమారి సమర్పకులుగా వ్యవహరిస్తుండటం విశేషం. నిధి అగర్వాల్ హీరోయిన్ గా నటిస్తున్న ఈ సినిమాలో జగపతిబాబు, నరేశ్, ‘వెన్నెల’ కిశోర్, బ్రహ్మాజీ, సత్య, అర్చనా సౌందర్య తదితరులు ఇతర కీలక పాత్రలు పోషించారు. జిబ్రాన్ సంగీతం అందిస్తున్న ‘హీరో’ చిత్రానికి శ్రీరామ్ ఆదిత్య దర్శకత్వం వహించాడు. 2022 జనవరి 26న ఈ సినిమాను ప్రపంచవ్యాప్తంగా విడుదల చేయబోతున్నట్టు దర్శక నిర్మాతలు తెలిపారు.

Read Also : పూజా కార్యక్రమాలతో బాలయ్య నెక్స్ట్ మూవీ లాంచ్