Dhruva Sarja: సమాధి దగ్గర భార్య సీమంతం చేసిన హీరో.. ఎందుకంటే ..?

Dhruva Sarja: కన్నడ నటుడు చిరంజీవి సర్జా అతి చిన్న వయస్సులోనే గుండెపోటుతో మరణించిన విషయం తెల్సిందే. చిరంజీవి భార్య హీరోయిన్ మేఘన.. ప్రెగ్నెంట్ గా ఉన్న సమయంలోనే అతను మృతిచెందాడు. చిరంజీవి మరణంతో సర్జా కుటుంబంలో తీవ్ర విషాదం నెలకొంది. ఇప్పటికీ అతని మరణాన్ని ఆ కుటుంబం కానీ, ఆయన అభిమానులు కానీ జీర్ణించుకోలేకపోతున్నారు అని చెప్పడంలో ఎటువంటి అతిశయోక్తి లేదు. ఇక చిరంజీవి సర్జా తమ్ముడు ధ్రువ సర్జా కూడా ప్రేక్షకులకు సుపరిచితమే. తెలుగులో పొగరు అనే సినిమాతో ప్రేక్షజకులకు ముందుకు వచ్చాడు. ఈ సినిమా ఆశించిన ఫలితాన్ని అందివ్వలేకపోయినా.. ధ్రువకు మంచి పేరునే తీసుకొచ్చి పెట్టాయి. ధ్రువకు అన్న చిరంజీవి అంటే అమితమైన ప్రేమ. అన్న కోసం ఏదైనా చేసే ధ్రువ.. అతని మరణాన్ని జీర్ణించుకోలేకపోయాడు.

Rajinikanth: చంద్రబాబు గొప్ప పోరాట యోధుడు.. సూపర్ స్టార్ మద్దతు

ఇక నిత్యం అన్న సమాధి దగ్గరే .. అతను సేదతీరుతూ ఉంటాడు. ఏ పని అయినా అక్కడనుంచే మొదలుపెడతాడు. తన కూతురును కూడా సమాధి వద్దనే ఆడిస్తూ కనిపిస్తూ ఉంటాడు. తాజాగా తన భార్య సీమంతం కూడా అన్న సమాధి వద్దనే ఘనంగా నిర్వహించాడు. ప్రస్తుతం ఇందుకు సంబంధించిన ఫోటోలు నెట్టింట వైరల్ గా మారాయి. ధ్రువ సర్జా భార్య ప్రేరణ రెండో సారి తల్లి కాబోతుంది. ఈ నేపథ్యంలోనే ఆమెకు కుటుంబం సీమంతం జరిపింది. ఇక ఆ సీమంతం కూడా తన అన్న సమాధి వద్దనే చేయాలనీ ధ్రువ పట్టుబట్టడంతో అక్కడే సీమంతం చేశారు. ఇక ఈ ఫోటోలు, వీడియోలు చూసిన అభిమానులు సూపర్ .. అన్న మీద ఇంత ప్రేమను ఎక్కడా చూడలేదు అంటూ కామెంట్స్ చేస్తున్నారు.