హీరో నందమూరి బాలకృష్ణకి ఆపరేషన్..

నందమూరి బాలకృష్ణ హాస్పిటల్లో జాయిన్ అయ్యారు. ఆరునెలలుగా భుజం నొప్పితో బాధపడుతున్న ఆయన అక్టోబర్ 31న కేర్ హాస్పిటల్ లో జాయిన్ అయ్యారు. సోమవారం బాలయ్యకు డాక్టర్ రఘువీర్ రెడ్డి గారి ఆధ్వర్యంలో శస్త్ర చికిత్స జరిగింది. సర్జరీ విజయవంతం అయ్యిందని, ఆయనకు ఆరు వారాలపాటు విశ్రాంతి అవసరం అని వైద్యులు తెలిపారు. ఆపరేషన్ అనంతరం బాలయ్య నేడు డిశ్చార్జ్ కానున్నారు.

బాలకృష్ణ ఆరోగ్యం నిలకడగానే ఉందని, అభిమానులెవ్వరు ఆందోళన చెందాల్సిన అవసరం లేదు అని వైద్యులు తెలిపారు. ఇక ఈ విషయం తెలుసుకున్న బాలయ్య అభిమానులు ఆయన త్వరగా కోలుకోవాలని ప్రార్థిస్తున్నారు. ఇకపోతే ప్రస్తుతం బాలకృష్ణ ‘అఖండ’ చిత్రంలో నటిస్తుండగా.. మరోవైపు ఆహా ఓటిటీలో ‘అన్ స్టాపబుల్’ విత్ ఎన్బీకే షో లో సందడి చేయనున్నారు.