Hanuman: ‘హను-మాన్’ సరికొత్త చరిత్ర.. 92 ఏళ్లలో ఆల్ టైమ్ సంక్రాంతి బ్లాక్ బస్టర్

Hanu-Man Becomes All-time Sankranthi Blockbuster In 92 Years Of Tollywood History: తేజ సజ్జా, అమృత అయ్యర్ జంటగా ప్రశాంత్ వర్మ దర్శకత్వంలో తెరకెక్కిన చిత్రం హనుమాన్. భార‌తీయ ఇతిహాసాల్లోని హనుమంతుని కథ స్ఫూర్తితో ఇండియన్ తొలి ఒరిజినల్‌ సూపర్‌హీరో మూవీగా ఈ సినిమాను తెరకెక్కించారు. సంక్రాంతి కానుకగా జనవరి 12 న రిలీజ్ అయ్యి ఇండస్ట్రీని షేక్ చేసింది. క్రియేటివ్ డైరెక్టర్ ప్రశాంత్ వర్మ, యంగ్ హీరో తేజ సజ్జా లేటెస్ట్ సెన్సేషన్ ‘హను-మాన్ ’92 సంవత్సరాల టాలీవుడ్ చరిత్రలో ఆల్ టైమ్ సంక్రాంతి బ్లాక్ బస్టర్ గా నిలిచింది. ప్రశాంత్ వర్మ సినిమాటిక్ యూనివర్స్ నుంచి వచ్చిన మొదటి సినిమా అయినా ఈ ఫాంటసీ అడ్వెంచర్ ప్రపంచ వ్యాప్తంగా 300 కోట్ల గ్రాస్ మార్క్ దిశగా దూసుకుపోతోంది.

Goat: అయ్యో పాపం.. సుడిగాలి సుధీర్ పని ఏంటి.. ఇలా అయిపోయింది

ఓవర్సీస్‌లో 5 మిలియన్ల మార్క్‌ను అధిగమించి మరింత ముందుకు వెళుతోంది. నిజానికి ఈ చిత్రం పాన్ ఇండియాగా విడుదలైంది, హిందీతో సహా అన్ని భాషలలో అద్భుతమైన వసూళ్లను సాధించింది. హను-మాన్ నిజానికి నార్త్ రీజియన్‌లో స్ట్రెయిట్ హిందీ సినిమాలా అలరించింది. రిజనబుల్ టిక్కెట్ ధరలు ఉన్నప్పటికీ, హను-మాన్ అనేక బాక్సాఫీస్ రికార్డులను బద్దలు కొట్టింది. ప్రైమ్‌షో ఎంటర్‌టైన్‌మెంట్‌పై కె నిరంజన్ రెడ్డి ప్రతిష్టాత్మకంగా నిర్మించిన హను-మాన్ మూడు వారాల రన్‌ను విజయవంతంగా పూర్తి చేసుకొని ఇప్పుడు నాలుగో వారంలోకి ఎంటరైంది. ప్రస్తుతం ట్రెండ్ ప్రకారం మరి కొన్ని వారాల పాటు హను-మాన్ అద్భుతమైన రన్ కొనసాగుతుంది.