Spark Movie: ‘స్పార్క్’ విలన్ గా ‘మిన్నల్ మురళి’ ఫేమ్ గురు సోమసుందర్!

విక్రాంత్ హీరోగా ప‌రిచ‌య‌మవుతున్న భారీ బ‌డ్జెట్ యాక్షన్ థ్రిల్లర్ ‘స్పార్క్’. ఛార్మింగ్ బ్యూటీస్‌ మెహ్రీన్ ఫిర్జాదా, రుక్స‌ర్ థిల్లాన్ ఇందులో హీరోయిన్స్‌గా న‌టిస్తున్నారు. అరవింద్‌ కుమార్‌ రవివర్మ ను దర్శకుడిగా పరిచయం చేస్తూ డెఫ్ ఫ్రాగ్ ప్రొడక్షన్ ఈ సినిమాను నిర్మిస్తోంది. దర్శకుడు రవివర్మ గతంలో ప్రముఖ సినిమాటోగ్రాఫర్‌ రత్నవేలు దగ్గర అసిస్టెంట్‌గా పనిచేశారు. సో ఈ మూవీ సినిమాటోగ్రఫీ బాధ్యతలూ ఆయనే హ్యాండిల్‌ చేస్తున్నారు. అనౌన్స్‌మెంట్ రోజునే అంద‌రి దృష్టిని ఆక‌ర్షించిన ఈ మూవీలో టాలెంటెడ్ యాక్ట‌ర్, ‘మిన్నల్ మురళి’ ఫేమ్ గురు సోమ‌సుంద‌రం విల‌న్‌గా న‌టిస్తున్నారు. ఈ విష‌యాన్ని చిత్ర నిర్మాత‌లు తెలియ‌జేస్తూ పోస్ట‌ర్‌ను విడుద‌ల చేశారు.

తాజా ప్రోగ్రెస్ గురించి నిర్మాణ సంస్థ ప్రతినిధులు చెబుతూ, ”ప్ర‌స్తుతం సినిమా షూటింగ్ శ‌ర‌వేగంగా జ‌రుగుతోంది. హైద‌రాబాద్‌ సార‌థి స్టూడియోలో వేసిన రెండు భారీ సెట్స్‌లో చిత్రీకరణ జరుపుతున్నాం. అక్టోబ‌ర్ 3 నుంచి ఐస్‌ల్యాండ్‌లో కొత్త షెడ్యూల్ మొదలవుతుంది. ఆ త‌ర్వాత మున్నార్‌, వైజాగ్‌ల్లో కీల‌క స‌న్నివేశాల‌ను చిత్రీక‌రించ‌బోతున్నాం” అని చిత్ర యూనిట్ సభ్యులు తెలిపారు. మలయాళ చిత్రం ‘హృద‌యం’ ఫేమ్‌ హేషమ్‌ అబ్దుల్‌ వాహబ్‌ ‘స్పార్క్’ మూవీకి ట్యూన్స్ అందిస్తున్నారు. ఈ యాక్షన్‌ థ్రిల్లర్‌లో కీ-రోల్స్ కోసం రీసెంట్‌గా వెర్సటైల్ ఆర్టిస్ట్ నాజ‌ర్‌, సుహాసిని మ‌ణిర‌త్నం జాయిన్ అయ్యారు. వీరితో పాటు ‘వెన్నెల’ కిశోర్, షాయాజీ షిండే, సత్య, శ్రీకాంత్‌, కిరణ్‌ అయ్యంగార్‌, అన్నపూర్ణమ్మ తదితరులు కీలక పాత్రలు పోషిస్తున్నారు.