Sai Pallavi: సాయి పల్లవి..అందం, అభినయం కు పెట్టిన పేరు. స్కిన్ షోకు ఆమడ దూరంలో ఉండే ఈ హీరోయిన్ ప్రస్తుతం సినిమాలకు గ్యాప్ ఇచ్చింది. అయితే ఆ గ్యాప్ ఇవ్వలేదు వచ్చిందని.. ఇకముందు నుంచి వరుస సినిమాలను చేస్తానని ఆమె చెప్పుకొచ్చింది. ఇక సాయి పల్లవి అంటే నచ్చనివారు ఎవరుంటారు. అలాగే ఓకే బాలీవుడ్ నటుడు కూడా ఆ లిస్ట్ లోకి చేరిపోయాడు. చేరిపోవడమే కాదు.. ఆమెతో ఒక సినిమా చేయాలనీ ఉంది.. అదే కనుక జరిగితే అది తన అదృష్టమని చెప్పుకొచ్చాడు. ఇంతకీ అతగాడు ఎవరు అనేగా మీ అందరి ఆలోచన.. అతడే గుల్షన్ దేవయ్య. ఈ మధ్యనే 8AM మెట్రో సినిమాలో సయామీ ఖేర్ తో రొమాన్స్ ఇరగదీసిన నటుడు ఇతనే. ఇక ప్రస్తుతం పలు వరుస ప్రాజెక్ట్స్ తో బిజీగా ఉన్న గుల్షన్.. తాజాగా జరిగిన ఒక ఇంటర్వ్యూలో తన మనసులోని మాటను బయటపెట్టాడు. రెండేళ్ల క్రితం భార్యకు విడాకులు ఇచ్చిన ఈ హీరో.. ప్రస్తుతం సింగిల్ గానే ఉంటున్నాడు. తన జీవితంలో క్రష్ అని ఎవరైనా ఉంటే.. అది సాయి పల్లవి అని చెప్పుకొచ్చాడు.
SSMB28: మరో మాస్ స్ట్రైక్ ను వదిలిన మేకర్స్
“సాయి పల్లవి అంటే నాకు ఎప్పటినుంచో క్రష్. ఆమె ఫోన్ నంబర్ కూడా నా దగ్గర ఉంది. కానీ, ఫోన్ చేసి ఆమెతో మాట్లాడాలంటే భయం. సాయి పల్లవితో ఒక సినిమా చేయాలనీ ఎప్పటినుంచో నాకు కోరిక. ఆమె నటన, డ్యాన్స్ అంటే నాకు ఎంతో ఇష్టం. ఒక్కసారైనా.. ఒక్క సీన్ లోనైనా సాయి పల్లవితో నటించాలి. అదే కనుక జరిగితే.. నాకు అంతకుమించిన అదృష్టం లేదు. ఇక మిగతా విషయాలను నేను పట్టించుకోని. జీవితంలో ఏది జరగాలని రాసి పెట్టి ఉంటుందో అదే జరుగుతుంది. దాన్ని మనం మార్చలేం” అంటూ చెప్పుకొచ్చాడు. ప్రస్తుతం ఈ వ్యాఖ్యలు నెట్టింట వైరల్ గా మారాయి. మరి గుల్షన్ కోరికను సాయి పల్లవి నెరవేరుస్తుందా..? లేదా..? అనేది చూడాలి.
