SSMB28: మరో మాస్ స్ట్రైక్ ను వదిలిన మేకర్స్

SSMB28: సూపర్ స్టార్ మహేష్ బాబు ఫ్యాన్స్ ఆకలితో ఎదురుచూసే సింహాలుగా మారిపోయారు. ఎప్పుడెప్పుడు మే 31 వస్తుందా అని వెయ్యి కళ్ళతో ఎదురుచూస్తున్నారు. మహేష్ బాబు – త్రివిక్రమ్ కాంబోలో వస్తున్న చిత్రం ssmb28. హారిక అండ్ హాసిని క్రియేషన్స్ బ్యానర్ పై చినబాబు, సూర్యదేవర నాగవంశీ ఈ సినిమాను తెరకెక్కిస్తున్నారు. ఇక ఈ సినిమాలో మహేష్ బాబు సరసన పూజా హెగ్డే, శ్రీలీల నటిస్తున్నారు. ఇప్పటికే శరవేగంగా షూటింగ్ జరుపుకుంటున్న ఈ చిత్రం వచ్చే ఏడాది సంక్రాంతి బరిలో దిగుతున్న విషయం తెల్సిందే. రిలీజ్ డేట్ ను ప్రకటిస్తూ మహేష్ లుక్ ను కూడా మేకర్స్ రిలీజ్ చేశారు. ఇక కృష్ణ మొదటి జయంతి సందర్భంగా ఈ సినిమా టైటిల్ ను మేకర్స్ రిలీజ్ చేయనున్నారు. కృష్ణ నటించిన మోసగాళ్లకు మోసగాడు సినిమా రీ రిలీజ్ చేస్తున్న థియేటర్ లో ఈ టైటిల్ గ్లింప్స్ రిలీజ్ కానుంది.

Rajamouli: ‘మేము ఫేమస్’ నచ్చిందన్న జక్కన్న

ఇక టైటిల్ కు డేట్ పెట్టినదగ్గరనుంచి మేకర్స్.. సినిమాపై హైప్ పెంచడం మొదలుపెట్టారు. రోజుకో మహేష్ బాబు పోస్టర్ తో పిచ్చెక్కిస్తున్నారు. ఇప్పటికే మొదటి పోస్టర్ లో మహేష్ ముఖాన్ని కనిపించకుండా బ్యాక్ నుంచి చూపించిన మేకర్స్.. ఈసారి ముందు నుంచి చూపించారు. గళ్ళ చొక్కా.. తలకు బ్యాండ్.. ఊర మాస్ లుక్ లో కనిపించాడు. 2 డేస్ టూ గో అంటూ మరో ఫోటోను షేర్ చేశారు. ప్రస్తుతం ఈ ఫోటో నెట్టింట వైరల్ గా మారింది. ఇక ఎల్క్ చూస్తుంటే శ్రీమంతుడులో రాములోడు వచ్చినాడురో సాంగ్ లో ఉన్నట్లు మహేష్ కనిపించాడు. ఇకపోతే ఈ సినిమాకు సోషల్ మీడియాలో వచ్చే పేర్లు ఏవి కాకుండా కొత్త టైటిల్ ను మేకర్స్ ఫిక్స్ చేసినట్లు వార్తలు వస్తున్నాయి. మరి ఈ కాంబో హ్యాట్రిక్ హిట్ ను అందుకుంటుందేమో చూడాలి.