శ‌రణ్ కుమార్ పుట్టిన‌రోజు సంద‌ర్భంగా గ్లింప్స్ రిలీజ్

శివ కేశ‌రకుర్తి ద‌ర్శ‌క‌త్వంలో శ్రీ వెన్నెల క్రియేష‌న్స్ బ్యాన‌ర్‌పై ఎం.సుధాక‌ర్ రెడ్డి ఓ చిత్రాన్ని నిర్మిస్తున్నారు. దీని ద్వారా సూపర్‌స్టార్ కృష్ణ‌, విజ‌య‌నిర్మల ఫ్యామిలీకి శ‌రణ్ కుమార్ హీరోగా ప‌రిచయం అవుతున్నారు. శ‌నివారం శ‌ర‌ణ్ కుమార్ పుట్టిన‌రోజు ఈ సందర్భంగా ఈ సినిమా నుంచి గ్లింప్స్‌ను చిత్ర యూనిట్ విడుద‌ల చేసింది. ఆవిరి ప‌ట్టిన అద్దాన్ని తుడిస్తే అందులో హీరో శ‌ర‌ణ్ కుమార్ ముఖం కనిపించేలా ఈ గ్లింప్స్ ఉంది. ఈ సినిమాకు సంబంధించిన ఇప్ప‌టికే కృష్ణ… హీరో శరణ్ కుమార్ లుక్ పోస్ట‌ర్‌ను విడుద‌ల చేయగా దానికి చాలా మంచి స్పంద‌న వ‌చ్చిందని దర్శక నిర్మాతలు తెలిపారు. సూప‌ర్‌స్టార్ ఫ్యామిలీ నుండి హీరోగా ఎంట్రీ ఇస్తోన్న శ‌ర‌ణ్‌కు ఈ సినిమా క‌చ్చితంగా మంచి బ్రేక్ ఇస్తుందని, ప్ర‌స్తుతం షూటింగ్ జ‌రుగుతోందని, పూర్తి వివరాలు త్వరలోనే తెలియచేస్తామని వారు అన్నారు. ఈ సినిమాకు భీమ్స్ సిసిరోలియో సంగీతం అందిస్తున్నారు.