Game On: రియల్‌ టైమ్ సైక‌లాజిక‌ల్ ‘గేమ్‌ ఆన్’

Game On Movie to release on February 2nd: గీతానంద్, నేహా సోలంకి జంట‌గా న‌టించిన ‘గేమ్ ఆన్‌’ అన్ని కార్య‌క్ర‌మాలు పూర్తి చేసుకుని ఫిబ్ర‌వ‌రి 2న గ్రాండ్ గా విడుద‌ల‌కు సిద్ద‌మ‌వుతోంది. క‌స్తూరి క్రియేష‌న్స్ అండ్ గోల్డెన్ వింగ్ ప్రొడ‌క్ష‌న్స్‌ బ్యాన‌ర్స్‌పై ద‌యానంద్ ద‌ర్శ‌క‌త్వంలో ర‌వి క‌స్తూరి ఈ సినిమాను నిర్మించారు. ఈ సినిమా గురించి నిర్మాత ర‌వి క‌స్తూరి మాట్లాడుతూ గేమ్ ఆన్ చిత్రం ఇటీవ‌లే సెన్సార్ కార్య‌క్ర‌మాలు పూర్త‌య్యాయని, సినిమాను ఫిబ్ర‌వ‌రి 2న గ్రాండ్ గా విడుద‌ల చేయ‌డానికి స‌న్నాహాలు చేస్తున్నామని అన్నారు. ర‌థం చిత్రంతో హీరోగా మంచి పేరు తెచ్చుకున్న గీతానంద్ ఈ చిత్రంతో హీరోగా నెక్ట్స్ లెవ‌ల్ కు వెళ్తాడ‌న్న న‌మ్మ‌కం ఉందని నేహ సోలంకి త‌న అందంతో పాటు అభిన‌యంతో ఆక‌ట్టుకుంటుందన్నారు. ‘కార్తికేయ 2’తో ప్రత్యేక గుర్తింపు తెచ్చుకున్న ఆదిత్య మీనన్‌ ఈ సినిమాలో కూడా ఓ ఇంటెన్స్‌ క్యారెక్టర్‌లో నటించాడని, ప్ర‌జంట్ విభిన్నమైన క‌థ‌ల‌తో వ‌చ్చే చిత్రాల‌ను ప్రేక్ష‌కులు ఆద‌రిస్తున్నారు కబట్టు అదే కోవ‌లో వ‌స్తోన్న మా చిత్రాన్ని కూడా ఆద‌రిస్తార‌న్న న‌మ్మకంతో ఉన్నామని అన్నారు.

Satyabhama: “సత్యభామ” ఎక్కడా తగ్గట్లేదుగా!

దర్శకుడు దయానంద్‌ మాట్లాడుతూ ఈ సినిమాలో పాత్రలన్నీ గ్రే షేడ్‌లో ఉంటాయని, ప్రతి పాత్రకు ప్రాధాన్యత ఉంటుందని అన్నారు. తన జీవితాన్ని చాలించాలనుకునే ఓ వ్యక్తి ,రియల్‌ టైమ్ సైక‌లాజిక‌ల్ గేమ్‌లోకి ఎలా ప్రవేశించాడు? గేమ్‌లోని టాస్క్‌ను ఎలా స్వీకరించాడు? అసలు ఆ గేమ్‌ ఎంచుకోబడడానికి కారణం ఏమిటి? ఈ గేమ్‌ ఎవరు ఆడిస్తున్నారు? అనే అంశాలతో ‘గేమ్ ఆన్’ సినిమా ఉంటుందని అన్నారు. గీతానంద్‌, నేహా సోలంకి, ఆదిత్య మీన‌న్, మ‌ధుబాల‌, వాసంతి, కిరిటీ, శుభ‌లేఖ‌ సుధాక‌ర్‌ త‌దిత‌రులు న‌టించిన ఈ చిత్రానికి మ్యూజిక్ డైర‌క్ట‌ర్; అభిషేక్ ఏ ఆర్ సినిమాటోగ్రఫీ: అర‌వింద్ విశ్వ‌నాథ‌న్‌ అందించారు.