Devara: సముద్ర తీరంలో రక్తపాతం… ఎందుకయ్య ఫేక్ న్యూస్ స్ప్రెడ్ చేస్తారు?
యంగ్ టైగర్ ఎన్టీఆర్, కొరటాల శివ కాంబినేషన్ లో జనతా గ్యారేజ్ సినిమా వచ్చి టాలీవుడ్ బాక్సాఫీస్ ని రిపేర్ చేసింది. ఈసరి రిపేర్ పాన్ ఇండియా స్థాయిలో చేయడానికి ఎన్టీఆర్ అండ్ కొరటాల శివ కలిసి దేవర సినిమా చేస్తున్నారు. సైఫ్ అలీ ఖాన్ విలన్ గా, జాన్వీ కపూర్ హీరోయిన్ గా తెరకెక్కుతున్న ఈ మూవీ 2024 ఏప్రిల్ 5న రిలీజ్ కానుంది. రిలీజ్ డేట్ ని టార్గెట్ గా పెట్టుకొని కొరటాల శివ, దేవర సినిమాని అగ్రెసివ్ గా షూట్ చేస్తున్నాడు. బ్యాక్ టు బ్యాక్ షెడ్యూల్స్ లో యాక్షన్ పార్ట్ ని తెరకెక్కిస్తున్నాడు కొరటాల శివ. సముద్రం బ్యాక్ డ్రాప్ లో భారీ యాక్షన్ ఎపిసోడ్స్ షూట్ చేసారు కాబట్టి తెరపై అవి న్యాచురల్ గా కనిపించాలి అంటే హ్యూజ్ విజువల్ ఎఫెక్ట్స్ సెటప్ ఉండాలి. ఆ విజువల్స్ ఎఫెక్ట్స్ కోసమే కొరటాల శివ యాక్షన్ పార్ట్ ని ముందుగా షూట్ చేస్తున్నాడు.
లేటెస్ట్ గా మొదలైన షెడ్యూల్ కూడా యాక్షన్ పార్ట్ కి సంబంధించినదే కావడం విశేషం. దాదాపు పది రోజుల పాటు జరగనున్న ఈ షెడ్యూల్ లో ఎన్టీఆర్ అండర్ వాటర్ ఫైట్ సీన్ షూటింగ్ లో పాల్గొంటున్నాడు. ఈ ఎపిసోడ్ కోసం ఎన్టీఆర్ ముంబై నుంచి వచ్చిన ట్రైనర్లతో స్పెషల్ ట్రైనింగ్ కూడా తీసుకున్నాడు. సముద్ర తీరంలో దేవర రక్తపాతం అంటూ ఎన్టీఆర్ ఫ్యాన్స్ సోషల్ మీడియాలో హల్చల్ చేస్తున్నారు. దీంతో ట్విట్టర్ లో దేవర ట్యాగ్ ట్రెండ్ అవుతోంది. ఇదిలా ఉంటే కొంతమంది మాత్రం దేవర అనే టైటిల్ పెట్టి ఫేక్ ఫొటోస్ ని వైరల్ చేస్తున్నారు. ఎన్టీఆర్ షార్క్ తో ఫైట్ చేస్తున్నాడు అంటూ ఒక ఫేక్ ఫోటోని ఎడిట్ చేసి ట్రెండ్ చేస్తున్నారు. ఈ ఫోటోలో ఎన్టీఆర్ కత్తి పట్టుకోని ఉండగా, వెనక షార్క్ ఉంది. ఇది కచ్చితంగా సినిమాలో ఉండదు కానీ దీన్ని మించిన హై కొరటాల శివ-ఎన్టీఆర్ లు తప్పకుండా ఇస్తారు. సో అప్పటివరకూ ఆ కాంబినేషన్ ని నమ్మి, గ్లిమ్ప్స్ కోసం వెయిట్ చేయడమే.