Dhurandhar 2 Telugu: ఎంత ఆలస్యమైతే అంత లాభం?

ప్రస్తుతం ఎక్కడ విన్నా ‘దురంధర్’ పార్ట్-2 గురించి మాట్లాడుకుంటున్నారు. రన్వీర్ సింగ్ హీరోగా ఆదిత్య దర్శకత్వంలో ఈ సినిమాని జియో స్టూడియోస్ సమర్పించింది. నిజానికి ‘దురంధర్’ పార్ట్-1 రిలీజ్ అయినప్పుడు ఒక రేంజ్ లో సినిమాకి మంచి పాజిటివ్ బజ్ వచ్చింది. ఈ దెబ్బతో రికార్డు స్థాయి కలెక్షన్స్ కూడా వచ్చాయి. సింగిల్ లాంగ్వేజ్‌లో రిలీజ్ అయ్యి 1000 కోట్లకు పైగా కలెక్షన్లు సాధించిన బాలీవుడ్ సినిమాగా ఆ సినిమా రికార్డులకెక్కింది. ఇక ఆ సినిమాకి సీక్వల్‌గా రూపొందించబడిన ‘దురంధర్: ది రివెంజ్’ మొదటి ఆట నుంచే సూపర్ హిట్ టాక్ తో దూసుకుపోతోంది. అయితే నిజానికి హిందీ వర్షన్ తో పాటే తెలుగు, తమిళ ప్రీమియర్స్ కూడా ప్లాన్ చేశారు.

Also Read : Peddi: వాయిదా లేదు.. పెద్ది ఆన్ ట్రాక్

కానీ చివరి నిమిషం వరకు కంటెంట్ రాకపోవడంతో వాటిని క్యాన్సిల్ చేశారు. ఇప్పటికీ కంటెంట్ సిద్ధమైందో లేదో క్లారిటీ లేదు. టీం మాత్రం పూర్తిస్థాయిలో క్వాలిటీ డబ్బింగ్ పూర్తయిన తర్వాతే రిలీజ్ చేయాలని నిర్ణయం తీసుకున్నట్లుగా తెలుస్తోంది. అయితే ‘దురంధర్’ తెలుగు వర్షన్ కి ఎంత లేట్ అయితే అంత లాభం అనే పరిస్థితి కనిపిస్తోంది. ఎందుకంటే అది లేట్ అయిన కొద్దీ సినిమా మీద ప్రేక్షకులలో ఆసక్తి పెరుగుతోంది. మరోపక్క హిందీ వర్షన్ రికార్డులు నమోదవుతూ వస్తున్నాయి. ఈ నేపథ్యంలో లేట్ అయిన కొద్దీ హిందీ వర్షన్ కలెక్షన్స్ పెరగటం, అంతలా హిట్ అయిన సినిమాని కచ్చితంగా చూడాలనే కోరిక తెలుగు సహా తమిళ, ఇతర రీజనల్ లాంగ్వేజెస్ ప్రేక్షకులకు కలగడం ప్లస్ పాయింట్ అయ్యే అవకాశం కనిపిస్తోంది. ఎప్పుడు వచ్చినా తెలుగు సహా మిగతా రీజినల్ గ్వేజెస్ సినిమాలకు కచ్చితంగా రికార్డు బ్రేకింగ్ ఓపెనింగ్స్ నమోదయ్యే అవకాశం కనిపిస్తోంది. నిజానికి ఈ ఆలస్యం ఒక రకంగా అడ్వాంటేజ్ అనే చెప్పాలి.