Dasara: న్యాచురల్ స్టార్ నాని, కీర్తి సురేష్ జంటగా శ్రీకాంత్ ఓడేల దర్శకత్వంలో తెరకెక్కిన చిత్రం దసరా. SLV సినిమాస్ బ్యానర్ పై సుధాకర్ చెరుకూరి నిర్మిస్తున్న ఈ చిత్రం మార్చి 30 న ప్రేక్షకుల ముందుకు రానుంది. ఇప్పటికే ఈ చిత్రం నుంచి రిలీజైన సాంగ్, టీజర్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమాలోని రెండో సాంగ్ ను మేకర్స్ రిలీజ్ చేశారు. ఓరి వారి.. నీది కాదురా పోరి అంటూ సాగిన ఈ హార్ట్ బ్రేకింగ్ సాంగ్ ఆద్యంతం ఆకట్టుకొంటుంది. సంతోష్ నారాయణ్ సంగీతం అందిస్తూ ఈ సాంగ్ ను ఆలపించారు. ప్రేమించిన అమ్మాయి మనది కాదు అని తెలిసాకా.. ఒక అబ్బాయి పడే వేదన, బాధ అన్నింటిని ఈ లిరిక్స్ లో చెప్పుకొచ్చాడు లిరిసిస్ట్ శ్రీమణి.. ఇక ఆ లిరిక్స్ కు ప్రాణం పోశాడు సంతోష్ నారాయణ్.. బ్రేకప్ అయిన ప్రతి ఒక్కరికి ఈ సాంగ్ మైండ్ కు ఎక్కేస్తుంది.
Upasana: భర్తపై రివెంజ్ తీర్చుకున్న ఉపాసన.. పాపం రామ్ చరణ్
నిజం చెప్పాలంటే టాప్ బ్రేకప్ సాంగ్స్ లిస్ట్ లోకి ఈ సాంగ్ కూడా యాడ్ అవుతుందని చెప్పడంలో ఎటువంటి అతిశయోక్తి లేదు. ముఖ్యంగా మగవాడి బాధ.. ఎంత బాధ ఉన్నా బయటికి చెప్పుకోలేక, అందరి ముందు ఏడ్వలేక లోలోపలే నలిగిపోయే విధానాన్ని కళ్లకు కట్టినట్లు చూపించారు. గుండె పుండు మీద గొడ్డు కారమద్ది గుద్డతుంటే గుక్కపట్టి ఏడ్వలేని జన్మ అనే లైన్ అయితే సాంగ్ కే హైలైట్ గా నిలిచింది. ఇక వీడియో లో నాని మందు కొట్టి బొగ్గు గనుల మధ్యలో ఎవరి కోసమో వెతుకుతున్నట్లు కనిపించాడు. ప్రస్తుతం ఈ సాంగ్ నెట్టింట వైరల్ గా మారింది. సాంగ్ విన్నవారందరు.. ఓరి వారి.. ఏం చెప్పావ్ రా మగవాడి బ్రేకప్ గురించి అంటూ కామెంట్స్ పెడుతున్నారు. మరి ఈ సినిమాతో నాని ఎలాంటి హిట్ కొడతాడో చూడాలి.
