Comrade Kalyan : ‘కామ్రేడ్ కళ్యాణ్’ వాయిదా ?

అక్టోబర్ 2న రావాల్సిన ‘ఆదర్శ కుటుంబం’, వారం రోజులు ఆలస్యంగా తొమ్మిదిన థియేటర్లలోకి వస్తుంది. మరి, తొమ్మిదిన రావాల్సిన యంగ్ హీరో శ్రీవిష్ణు నటించిన ‘కామ్రేడ్ కళ్యాణ్’ వాయిదా పడుతుందా? ‘ఆదర్శ కుటుంబం’ రెండున రాకపోవడంతో చిన్న సినిమాలు ఊపిరి పీల్చుకున్నాయి. పాన్ ఇండియా మూవీ, స్టార్ హీరోల సినిమాలే కాదు, సీనియర్ హీరో వెంకటేష్ మూవీ ‘ఆదర్శ కుటుంబాని’కి కూడా రిలీజ్ వాయిదా తప్పలేదు. గాంధీ జయంతికి వచ్చి దసరా హాలిడేస్ వరకు లాంగ్ రన్ ఉంటుంది అనుకుంటే, ఒక వారం ఆలస్యంగా తొమ్మిదిన రిలీజ్ అవుతుంది. అయితే, అదే రోజు రావాలని డేట్ ఫిక్స్ చేసుకున్న శ్రీవిష్ణు ‘కామ్రేడ్ కళ్యాణ్’ వాయిదా పడక తప్పదు. ‘ఆదర్శ కుటుంబాని’కి ధీటుగా రిలీజ్ చేసే ఛాన్స్ శ్రీవిష్ణు తీసుకోవడం లేదు.

అందులోనూ సినిమా సెన్సార్ రివైజింగ్ కమిటీకి వెళ్ళడంతో, ‘కామ్రేడ్ కళ్యాణ్’ రిలీజ్‌పై ముందునుంచి డౌట్ ఉంది. ఒకవేళ సెన్సార్ ప్రాబ్లమ్స్ నుంచి బయటపడినా, ‘ఆదర్శ కుటుంబాన్ని’ డీకొట్టడం కష్టమే. పోనీ వారం తర్వాత వద్దామనుకుంటే.. అక్టోబర్ 15న ‘జైలర్ 2’, 16న ‘రణబాలి’ రిలీజ్ అవుతున్నాయి. ఈ లెక్కన ‘కామ్రేడ్’ మరో రిలీజ్ డేట్ చూసుకోవాల్సిందే. ‘ఆదర్శ కుటుంబం’ రిలీజ్ వాయిదా పడడం చిన్న సినిమాలకు కలిసి వచ్చింది. రాజమౌళి ప్రెజెంటర్‌గా నిర్మించిన ‘డోంట్ ట్రబుల్ ది ట్రబుల్’ ఎలాంటి పోటీ లేకుండా థియేటర్స్‌లోకి రానుంది. ఫహద్ ఫాజిల్ నటించిన ఈ చిత్రం తెలుగు, మలయాళంలో రూపొందింది. విజయ్ కొడుకు జాసన్ డైరెక్షన్‌లో రూపొందిన సినిమా కూడా ఇదే రోజు రిలీజ్ అవుతుంది. అలాగే, చిన్న సినిమా ‘తెల్ల కాగితం’కు కావలసినన్ని థియేటర్స్ దొరకనున్నాయి.