ఫైనల్ షెడ్యూల్ స్టార్ట్ చేసిన వరుణ్ తేజ్

మెగా ప్రిన్స్ వరుణ్ తేజ్ మొదటిసారిగా స్పోర్ట్స్ డ్రామా “గని” చిత్రంలో నటిస్తున్న విషయం తెలిసిందే. బాక్సింగ్ నేపథ్యంలో భారీ యాక్షన్ డ్రామాగా తెరకెక్కుతున్న ఈ చిత్రం గురించి వరుణ్ తేజ్ బాగానే కష్టపడుతున్నాడు. సినిమాలో తగిన మేకోవర్ కోసం జిమ్ లో కసరత్తులు చేసి కండలు పెంచేశాడు. అంతేకాదు బాక్సింగ్ కోసం ప్రత్యేకంగా ట్రైనింగ్ కూడా తీసుకున్నాడు. ఇక ఈ సినిమాలో యాక్షన్ సీన్ల కోసం ఏకంగా విదేశీ స్టంట్ మాస్టర్స్ ను రంగంలోకి దించుతున్నారు. హాలీవుడ్ యాక్షన్ కొరియోగ్రాఫర్స్ లార్నెల్ స్టోవల్, వ్లాడ్ రింబర్గ్ సినిమాలో భాగం కావడం ఆసక్తిని పెంచేసింది.

Read Also : ట్రెండింగ్ లో “బాయ్ కాట్ తూఫాన్” !

కిరణ్ కొర్రపాటి దర్శకత్వం వహిస్తున్న “గని” చిత్రాన్ని అల్లు బాబీ సహకారంతో రెనైస్సెన్స్ పిక్చర్స్ బ్యానర్‌పై సిద్ధు ముద్దా నిర్మిస్తున్నారు. అల్లు అరవింద్ దీనిని సమర్పిస్తున్నారు. థమన్ సంగీతం అందిస్తున్న ఈ సినిమాకు సంబంధించిన తాజా అప్డేట్ ను మేకర్స్ ప్రకటించారు. అందులో వరుణ్ తేజ్ సినిమా ఫైనల్ షెడ్యూల్ ను ప్రారంభినట్టుగా తెలిపారు. ఇక ఈ షెడ్యూల్ లో క్లైమాక్స్ ను చిత్రీకరిస్తున్నారు. “గని” కోసం నిర్మించిన భారీ సెట్లలో సూపర్ యాక్షన్ సీక్వెన్స్ తెరకెక్కనున్నాయట. ‘దబాంగ్’ ఫేమ్ సాయి మంజ్రేకర్ ఈ చిత్రంతో హీరోయిన్ గా టాలీవుడ్ ఎంట్రీ ఇస్తోంది.