Thaman : ‘ఎల్లమ్మ’ కథపై తమన్ షాకింగ్ కామెంట్స్..

Thaman : ప్రముఖ సంగీత దర్శకుడు తమన్ ఇటీవల ఒక ఇంటర్వ్యూలో పాల్గొని ‘ఎల్లమ్మ’ కథపై దేవిశ్రీ ప్రసాద్‌పై పలు ఆసక్తికరమైన విషయాలను పంచుకున్నారు. దేవిశ్రీ ప్రసాద్ ప్రధాన పాత్రలో నటిస్తున్న ‘ఎల్లమ్మ’ సినిమా గురించి ఆయన చేసిన వ్యాఖ్యలు ఇప్పుడు ఫిలిం నగర్ వర్గాల్లో హాట్ టాపిక్ గా మారాయి. స్టార్ మ్యూజిక్ డైరెక్టర్ దేవిశ్రీ ప్రసాద్ నటుడిగా మారుతున్న సంగతి తెలిసిందే. ఆయన నటిస్తున్న ‘ఎల్లమ్మ’ చిత్రంపై ఇండస్ట్రీలో మంచి అంచనాలు ఉన్నాయి. తాజాగా ఈ సినిమాపై మ్యూజిక్ డైరెక్టర్ తమన్ ఆసక్తికరమైన వ్యాఖ్యలు చేశారు.

‘ఎల్లమ్మ’ సినిమా కథ తనకు పూర్తిగా తెలుసని, కథ చాలా అద్భుతంగా ఉంటుందని తమన్ అన్నారు. ఈ సినిమా కోసం దేవిశ్రీ ప్రసాద్ చాలా కష్టపడుతున్నారని, ఆయన పడుతున్న శ్రమ కచ్చితంగా తెరపై కనిపిస్తుందని ప్రశంసించారు. ‘ఎల్లమ్మ’ చిత్రం దేవిశ్రీ ప్రసాద్ యాక్టింగ్ కెరీర్‌కు చాలా పెద్ద ప్లస్ అవుతుందని ధీమా వ్యక్తం చేశారు. ఈ ప్రాజెక్ట్ లో మరో విశేషం ఏమిటంటే, దేవిశ్రీ నటిస్తున్న ఈ సినిమాకు తమన్ సంగీతం అందిస్తున్నారు. దీనిపై ఆయన స్పందింస్తూ.. “ఈ సినిమాకి కొన్ని పాటలు చేయమని నన్ను అడిగారు. దానికి నేను కూడా తప్పకుండా చేస్తానని అన్నాను” అని తమన్ పేర్కొన్నారు. హాస్య నటుడిగా తన సినీ ప్రస్థానాన్ని స్టార్ట్ చేసి బలగం సినిమా సంచలన విజయం అందుకున్న వేణు ఈ సినిమాను తెరకెక్కిస్తున్నారు.