Teja Sajja: పవన్ కి సూపర్ హీరో సపోర్ట్..

పవర్ స్టార్ పవన్ కళ్యాణ్ ప్రస్తుతానికి ఏపీలో పిఠాపురం నుంచి పోటీ చేస్తున్న సంగతి తెలిసిందే. అయితే ఆయన కోసం ఈరోజు ఉదయం నుంచి సినీ పరిశ్రమ నుంచి పెద్ద ఎత్తున మద్దతు లభిస్తోంది. ఉదయాన్నే మెగాస్టార్ చిరంజీవి తన సోదరుడు పవన్ కళ్యాణ్ కి మద్దతుగా ఒక వీడియో రిలీజ్ చేసి ఈసారి జనసేన అభ్యర్థులకు ఓటు వేసి గెలిపించాలని కోరారు. ఆ తర్వాత హీరోలు నాని, రాజ్ తరుణ్ కూడా పవన్ కళ్యాణ్ కి మద్దతుగా సోషల్ మీడియా వేదికగా ట్వీట్లు వేశారు. ఇక ఇప్పుడు తాజాగా హీరో తేజ కూడా పవన్ కళ్యాణ్ ని సపోర్ట్ చేస్తూ తన సోషల్ మీడియా అకౌంట్ ఇంస్టాగ్రామ్ స్టోరీస్ ద్వారా ఒక ఫోటోని షేర్ చేశాడు. ముందు ఉన్న బిగ్ డే కోసం పవన్ కళ్యాణ్ గారికి బెస్ట్ విషెస్ చెబుతున్నాను. సార్ దయచేసి మమ్మల్ని గర్వపడేలా చేయండి అంటూ పవన్ కళ్యాణ్ ఫోటోని ఆయన షేర్ చేశాడు.

Also Read; 100 Crores: నిర్మాతగా మారిన మ్యూజిక్ డైరెక్టర్.. ఏకంగా ‘100 క్రోర్స్’

దీంతో సినీ పరిశ్రమ నుంచి పవన్ కళ్యాణ్ కి మరో హీరో మద్దతు పలికినట్లు అయింది. ఇప్పటికే పవన్ కళ్యాణ్ కు మద్దతు పలుకుతూ ఆయన కుటుంబం నుంచి వరుణ్ తేజ్ సాయి ధరమ్ తేజ్, వైష్ణవ్ తేజ్ వంటి వాళ్ళు జనసేనతో పాటు కూటమి అభ్యర్థుల గెలుపు కోసం ప్రచారం చేస్తూ వస్తున్నారు. మరోపక్క జబర్దస్త్ ఆర్టిస్టులు, సీరియల్ ఆర్టిస్టులు సైతం స్వచ్ఛందంగా పిఠాపురం వెళ్లి పవన్ కళ్యాణ్ కోసం ప్రచారం చేస్తున్న పరిస్థితి కనిపిస్తోంది. ఇక విజయేంద్ర ప్రసాద్ వంటి వాళ్ళు సైతం బిజెపి కోసం ప్రచారం చేస్తూ ఉండడం హాట్ టాపిక్ అవుతుంది. మొత్తం మీద సినీ పరిశ్రమలోని చాలామంది తమకు నచ్చిన పార్టీలకు సపోర్ట్ చేస్తూ ఉండడం హాట్ టాపిక్ అవుతుంది.