Suriya : స్టార్ హీరో సూర్య నటిస్తున్న ప్రతిష్టాత్మక ప్రాజెక్ట్ ‘కంగువ’. ఈ చిత్రాన్ని భారీ పీరియాడిక్ యాక్షన్ ఫిల్మ్ గా డైరెక్టర్ శివ తెరకెక్కించారు. బాలీవుడ్ బ్యూటీ దిశా పటానీ, బాబీ డియోల్ కీలక పాత్రల్లో నటిస్తున్నారు. ‘కంగువ’ సినిమాను భారీ బడ్జెట్ తో ప్రముఖ నిర్మాణ సంస్థలు స్టూడియో గ్రీన్, యూవీ క్రియేషన్స్ బ్యానర్స్ పై కేఈ జ్ఞానవేల్ రాజా, వంశీ, ప్రమోద్ నిర్మిస్తున్నారు. ఈ సినిమాను నైజాం ఏరియాలో మైత్రీ మూవీ డిస్ట్రిబ్యూటర్స్ రిలీజ్ చేయబోతున్నారు. ‘కంగువ’ సినిమా నవంబర్ 14న ప్రపంచవ్యాప్తంగా గ్రాండ్ థియేట్రికల్ రిలీజ్ కు వస్తోంది. ఇప్పటికే రిలీజ్ చేసిన పాటలు శ్రోతలను అలరిస్తున్నాయి. టీజర్ కు మంచి రెస్పాన్స్ లభిస్తోంది.
Read Also:Venky Anil 3 : వెంకీ మామ.. హీరోయిన్ల మధ్య కన్ ఫ్యూజన్ స్టార్ట్
ఈ చిత్రంలో హీరో సూర్య రెండు డిఫరెంట్ రోల్స్ చేస్తున్నారు. ఈ సినిమాకు దేవీ శ్రీ ప్రసాద్ అద్భుతమైన మ్యూజిక్ అందించారు. ఈ సినిమా పై భారీ అంచనాలు ఉన్నాయి. ప్రపంచ వ్యాప్తంగా భారీ స్థాయిలో రూ.1000కోట్లు కొల్లగొట్టే సత్తా ఉందని కామెంట్స్ వినిపిస్తున్నాయి. అందుకు తగ్గట్టుగానే మేకర్స్ తమ ప్రచారాన్ని ముమ్మరం చేశారు. అందులో భాగంగా ముంబై వెళ్లిన సూర్య ఇచ్చిన ఓ ఇంటర్వ్యూలో బాలీవుడ్ లో తాను చేయబోయే సినిమా పై ఆసక్తికర వ్యాఖ్యలు చేశారు.
Read Also:Samantha : ఇకపై సింగిల్ గా ఉండను.. త్వరలో మళ్ళి పెళ్లి..?
ఈ సందర్భంగా హీరో సూర్య మాట్లాడుతూ.. ‘నేను చేసే ఓ సినిమా సెట్స్‌ పైకి వెళ్లాలంటే దాని వెనుక చాలా ప్రాసెస్‌ ఉంటుంది. ఏడాది క్రితమే సినిమా చేసే దానిపై చర్చలు జరిగాయి. కాకపోతే ఆ సినిమాను నిర్మాతలు ప్రకటిస్తేనే బాగుంటుంది. అందుకే, నేను ఇప్పుడు ఈ సందర్భంలో ఏమీ చెప్పలేకపోతున్నాను. కానీ బాలీవుడ్ లో కచ్చితంగా డైరెక్ట్ సినిమా చేస్తాను’ అంటూ చెప్పుకొచ్చారు. దర్శకుడు రాకేశ్ ఓంప్రకాశ్‌ డైరెక్షన్లో ఈ సినిమా రానుంది. ఇప్పటికే కంగువా పార్ట్ 2, పార్ట్ 3 కథలు సిద్ధంగా ఉన్నాయని, కంగువా పార్ట్ 1 విజయం ఆధారంగా వాటిని తెరకెక్కించేలా ప్లాన్ చేస్తున్నామని నిర్మాత కేఈ జ్ఞానవేల్ చెప్పుకొచ్చారు.