Super Star : ‘సన్‌టెక్’తో చేతులు కలిపిన మహేశ్ బాబు

సూపర్ స్టార్ మహేష్ బాబు, సన్ టెక్ ఎనర్జీ సిస్టమ్స్ ప్రైవేట్ లిమిటెడ్ నుండి వినూత్నమైన కొత్త బ్రాండ్ అయిన TRUZON SOLARతో బ్రాండ్ అంబాసిడర్ గా వ్యవహరించబోతున్నారు.  అత్యాధునిక పునరుత్పాదక ఇంధన పరిష్కారాలను అందించే TRUZON SOLAR కోసం మహేశ్ ప్రచారం చేయనున్నారు. ఉజ్వలమైన, పచ్చటి భవిష్యత్తు కోసం సౌరశక్తిని  అందించేందుకు మిలియన్ల మంది భారతీయులు సోలార్ వాడకం చేసేలా లక్ష్యంగా పెట్టుకుంది సన్ టెక్.

Also Read : Killer : పూర్వాజ్ క్యారెక్టర్ ఫస్ట్ లుక్ రిలీజ్

మహేష్ బాబు తన ఉత్సాహాన్ని వ్యక్తం చేస్తూ ‘TRUZON SOLARలో భాగమైనందుకు థ్రిల్‌గా ఉన్నాను అని అన్నారు . మంచి భవిష్యత్తును సృష్టించడానికి స్థిరమైన శక్తిని స్వీకరించడం చాలా అవసరం. TRUZON సోలార్ యొక్క సౌరశక్తిని అందుబాటులోకి తీసుకురావడానికి మహేష్ బాబు కూడా  బాగస్వామ్యం అవడంతో సోలార్ అందరికీ అందుబాటులో తీసకురావడానికి TRUZON SOLAR చేస్తున్న ప్రయత్నం ఇక మరింత ముందుకు వెళ్తుంది.ఇటీవలే  మహేశ్ తో ఈ బ్రాండ్ తొలి కమర్షియల్ యాడ్ షూటింగ్ కూడా పూర్తయింది. మహేష్ నటించిన  ఈ యాడ్ షూట్  కు సూపర్ హిట్ చిత్రాల దర్శకుడు  అనిల్ రావిపూడి దర్శకత్వంవహించాడు.  మహేష్ బాబు యొక్క స్టార్ పవర్ మరియు బ్రాండ్ యొక్క పరిశ్రమ నైపుణ్యాన్ని ఉపయోగించుకోవడం ద్వారా, TRUZON SOLAR ద్వారా సస్టైనబుల్ ఎనర్జీని గృహోపకరణాలకు ఉపయోగపడేలా మార్చాలని లక్ష్యంగా పెట్టుకుంది. రేపటి  తరం క్లిన్ మరియు గ్రీన్ గా ఉండేందుకు ఒక్కటయ్యారు. మహేశ్ బాబు నటించిన యాడ్ ను త్వరలో రిలీజ్ కానుంది,. ఇప్పటికే పలు రకాల టాప్ బ్రాండ్స్ కు బ్రాండ్ అంబాసిడర్ గా ఉన్న మహేశ్ లిస్ట్ లో తాజాగా సన్ టెక్ వచ్చి చేరింది.