Samantha- Sree Vishnu: సమంత ‘శుభం’ని డామినేట్ చేస్తున్న ‘#సింగిల్’ శ్రీవిష్ణు

సమంత నిర్మాతగా మారి “శుభం” అనే సినిమా చేసిన సంగతి తెలిసిందే. గతంలో “బండిని” సినిమా చేసిన డైరెక్టర్ ప్రవీణ్ కండ్రేగుల దర్శకత్వంలో ఈ “శుభం” సినిమా రూపొందింది. హారర్ కామెడీ నేపథ్యంలో రూపొందించబడిన ఈ చిత్రం మీద నమ్మకంతో సమంత ఏకంగా రెండు, మూడు రోజుల ముందు నుంచే ప్రీమియర్ ప్రదర్శనలు మొదలుపెట్టింది. కానీ, ఈ సినిమా అన్ని వర్గాల ప్రేక్షకులను ఆకట్టుకోవడం కష్టమే అని తాజా కలెక్షన్స్ తెలియజేస్తున్నాయి.

Read More:Operation Sindoor Film First Poster Out: ‘ఆపరేషన్‌ సిందూర్’ పేరుతో సినిమా.. ఫస్ట్‌ లుక్‌ విడుదల

ఇదే సినిమాతో పాటు శ్రీ విష్ణు నటించిన “సింగిల్” అనే సినిమా కూడా ప్రేక్షకుల ముందుకు వచ్చింది. ఈ రెండు సినిమాలను పోల్చితే, ఖచ్చితంగా సమంత “శుభం” సినిమా మీద శ్రీ విష్ణు “సింగిల్” సినిమా పూర్తి ఆధిపత్యం చూపిస్తోంది. సమంత సినిమాకు డబుల్, ట్రిపుల్ కలెక్షన్స్ అన్ని ఏరియాల్లో రాబడుతూ శ్రీ విష్ణు “సింగిల్” సినిమా దూసుకుపోతోంది.నిజానికి, సమంత సినిమాలో ముగ్గురు యువ నటులను నటింపచేశారు. వారందరూ దాదాపు తెలుగు సినీ పరిశ్రమకు కొత్తవారే కాబట్టి, వారు థియేటర్లకు ప్రేక్షకులను రప్పించడంలో విఫలమయ్యారు. సమంత చిన్న అతిథి పాత్రలో కనిపించింది, కానీ ఆమె పాత్ర కూడా పెద్దగా ప్రభావం చూపలేకపోయింది.

Read More:Nani: పాకిస్తాన్ వాళ్లకు ఆ కిక్ ఉండకూడదనే.. సక్సెస్ మీట్ పెట్టా

అదే శ్రీ విష్ణు “సింగిల్” సినిమాకు బాగా కలిసొచ్చినట్లు చెప్పవచ్చు. చాలా కాలం తర్వాత శ్రీ విష్ణు నుంచి మళ్లీ పూర్తి ఎంటర్‌టైనర్ రావడంతో, ఈ సినిమా చూసేందుకు ప్రేక్షకులు ఆసక్తి కనబరుస్తున్నారు. దీంతో “శుభం” సినిమా మీద శ్రీ విష్ణు “సింగిల్” సినిమా పూర్తి ఆధిపత్యం కనబరుస్తోంది.