Samantha: స్టార్ హీరోయిన్ సమంత ప్రస్తుతం మాతృత్వాన్ని ఆస్వాదిస్తున్న విషయం తెలిసిందే. ప్రస్తుతం సినిమాలకు కొంతకాలం విరామం ఇచ్చిన ఆమె.. సోషల్ మీడియాలో యాక్టివ్గా ఉంటూ అభిమానులతో తరచూ ముచ్చటిస్తున్నారు. ఈ క్రమంలో తాజాగా జరిగిన ఓ చిట్చాట్లో సమంత చేసిన సరదా కామెంట్స్ ఇప్పుడు నెట్టింట వైరల్ అవుతున్నాయి. తనకు పుట్టబోయే బిడ్డకు మంచి పేరు సూచించాల్సిందిగా ఇటీవల అభిమానులకు సమంత చెప్పిన విషయం తెలిసిందే. తాజాగా దీనికి ఓ అభిమాని స్పందిస్తూ.. సామ్కి పాప పుడితే ‘సమైరా’, బాబు పుడితే ‘సామ్రాజ్’ అని పేర్లు పెట్టాలని సూచించారు. సమంత పేరులోని ‘సామ్’, ఆమె భర్త, ఫిల్మ్మేకర్ రాజ్ నిడిమోరుది ‘రాజ్’ కలిపి ‘సామ్రాజ్’ పేరును ఆ అభిమాని కామెంట్ చేశారు.
అభిమాని సూచనపై సమంత తనదైన శైలిలో ఫన్నీగా స్పందించారు. ముఖ్యంగా ‘సామ్రాజ్’ పేరును ఉద్దేశిస్తూ.. “మన గురించి మనమే కాస్త ఎక్కువగా ఆలోచిస్తున్నట్లు అనిపించడం లేదా?” అంటూ నవ్వుతున్న ఎమోజీలతో రిప్లై ఇచ్చారు. తన పేరు, భర్త పేరును కలిపి పెట్టిన పేరు కాస్త ఆత్మస్తుతిలా అనిపిస్తోందనే ఉద్దేశంతో సామ్ చేసిన ఈ కామెంట్ ప్రస్తుతం నెటిజన్లను విశేషంగా ఆకట్టుకుంటోంది. కాగా, గత జూన్లో తన ప్రెగ్నెన్సీ విషయాన్ని ప్రకటించిన సమంత.. అప్పటి నుంచి మాతృత్వానికి సంబంధించిన అనుభవాలను అభిమానులతో పంచుకుంటున్నారు. ఇటీవల తాను 11 కిలోల బరువు పెరిగినట్లు కూడా సోషల్ మీడియాలో వెల్లడించారు. తాజాగా బిడ్డ పేరు విషయంలో ఆమె చేసిన ఈ సరదా కామెంట్స్ సోషల్ మీడియాలో వైరల్గా మారాయి.