Veeradhi Veerulu: మాస్ మహారాజా – శ్రీవిష్ణు కాంబో మిస్ అయినట్లేనా? ‘వీరాధి వీరులు’పై పిన్ డ్రాప్ సైలెన్స్!
- Follow Us :
-
-
Add as a preferred
source on google
Veeradhi Veerulu: ఒకరిది మాస్ ఎనర్జీ.. మరొకరిది నాచురల్ కామెడీ టైమింగ్. ఈ ఇద్దరు హీరోలు ఒకే ఫ్రేమ్లో కనిపిస్తే థియేటర్లలో నవ్వుల జాతర ఖాయమని అభిమానులు ఎన్నో కలలు కన్నారు. కానీ ఆ క్రేజీ మల్టీస్టారర్ ఇప్పుడు తెరపైకి వచ్చే అవకాశాలు దాదాపు సన్నగిల్లినట్లే కనిపిస్తున్నాయి. మాస్ మహారాజా రవితేజ, యువ హీరో శ్రీవిష్ణు కాంబినేషన్లో రావాల్సిన ఆ ప్రతిష్టాత్మక ప్రాజెక్ట్ గురించి కనీస ఊసు లేకపోవడం టాలీవుడ్లో హాట్ టాపిక్గా మారింది. శ్రీ వెంకటేశ్వర క్రియేషన్స్ బ్యానర్పై స్టార్ ప్రొడ్యూసర్ దిల్ రాజు, రవితేజ – శ్రీవిష్ణు కలయికలో ఒక పూర్తిస్థాయి కామెడీ ఎంటర్టైనర్ను నిర్మించేందుకు సన్నాహాలు చేశారు. ‘రాజరాజ చోర’, ‘స్వాగ్’ వంటి విభిన్న చిత్రాలతో తనకంటూ ప్రత్యేక ముద్ర వేసుకున్న హాసిత్ గోలీ ఈ చిత్రానికి దర్శకుడు. దీనికి ‘వీరాధి వీరులు’ అనే ఆసక్తికర టైటిల్ను కూడా పరిశీలిస్తున్నట్లు అప్పట్లో గట్టిగానే ప్రచారం జరిగింది. అంతేకాదు, సంక్రాంతి కానుకగా ఈ సినిమాను బాక్సాఫీస్ బరిలోకి దించాలని మేకర్స్ గట్టిగానే ప్లాన్ చేశారు.
సంక్రాంతి సీజన్ అంటే టాలీవుడ్కు అతిపెద్ద పండగ. మరో రెండు నెలల్లో సంక్రాంతి రాబోతోంది. సాధారణంగా పండగ రేసులో ఉండే సినిమాల పోస్టర్లు, టీజర్లు, పాటలతో ఇప్పటికే సోషల్ మీడియా మోతెక్కిపోవాలి. కానీ ‘వీరాధి వీరులు’ విషయంలో మాత్రం పూర్తిగా పిన్ డ్రాప్ సైలెన్స్ నెలకొంది. అసలు ఈ సినిమా షూటింగ్ మొదలైందా లేదా అన్న విషయంపై కూడా చిత్రబృందం నుంచి ఎలాంటి స్పష్టత లేదు. దీంతో సంక్రాంతి రేసు నుంచి ఈ సినిమా తప్పుకోవడమే కాకుండా, ఈ క్రేజీ కాంబోనే మిస్ అయినట్లేనని సినీ వర్గాల్లో చర్చ జరుగుతోంది. ఈ ప్రాజెక్ట్ పరిస్థితి ఇలా అయోమయంలో ఉంటే, రవితేజ మాత్రం తన తదుపరి సినిమా పనుల్లో ఫుల్ బిజీగా గడిపేస్తున్నారు. ఇటీవలే ‘ఇరుముడి’ చిత్రంతో ఘనవిజయాన్ని అందుకున్న ఆయన, ప్రస్తుతం వివేక్ ఆత్రేయ దర్శకత్వంలో ‘తులాభారం’ అనే క్రైమ్ ఎంటర్టైనర్ చేస్తున్నారు. అక్టోబర్ 2026లో ఈ సినిమా అధికారికంగా ప్రారంభమైంది.
Also Read
- Keerthy Suresh: స్పెషల్ సాంగ్ నుంచి స్టార్ హీరోల దాకా.. పెళ్లి తర్వాత కీర్తి సురేష్ రేంజ్ మామూలుగా లేదుగా!
- Box Office Crisis: శుక్రవారం వస్తున్నాయి.. ఆదివారమే వెళ్లిపోతున్నాయి! చిన్న సినిమాలకు అసలేమైంది?
- AOT Trailer: పది మంది నవ్వితే ఏంటి, ఒక్కరు నమ్మితే చాలదా.. హృదయానికి హత్తుకునేలా ఏవోటీ ట్రైలర్!
- Teja Sajja Engagement: ఘనంగా తేజ సజ్జా నిశ్చితార్థ వేడుక.. హాజరైన ప్రముఖులు..!
ఆసక్తికరమైన విషయం ఏంటంటే.. రవితేజతో కలిసి మల్టీస్టారర్ చేయాల్సిన శ్రీవిష్ణు, స్వయంగా ఈ ‘తులాభారం’ పూజా కార్యక్రమానికి ముఖ్య అతిథిగా హాజరై ఫస్ట్ క్లాప్ కొట్టారు. ప్రియాంక అరుళ్ మోహన్, అనస్వర రాజన్ హీరోయిన్లుగా నటిస్తున్న ఈ సినిమాలో.. తరుణ్ భాస్కర్, జె.డి. చక్రవర్తి, అనిల్ కుమార్ కరెళ్ల, రవి ఆంటోనీ కీలక పాత్రల్లో కనిపించనున్నారు. ప్రస్తుతం రవితేజ ఫోకస్ అంతా ‘తులాభారం’ షూటింగ్ మీదే ఉంది. మరోవైపు శ్రీవిష్ణు కూడా తన సినిమాలతో బిజీగా ఉన్నారు. ఈ పరిణామాలను బట్టి చూస్తుంటే.. దిల్ రాజు, హాసిత్ గోలీ ప్లాన్ చేసిన రవితేజ – శ్రీవిష్ణు మల్టీస్టారర్ ఇప్పట్లో పట్టాలెక్కే సూచనలు కనిపించడం లేదు. మరి భవిష్యత్తులోనైనా ఈ ఇద్దరు ఎంటర్టైనర్లు కలిసి నటిస్తారో లేదో వేచి చూడాలి.
తాజావార్తలు
-
Veeradhi Veerulu: మాస్ మహారాజా – శ్రీవిష్ణు కాంబో మిస్ అయినట్లేనా? ‘వీరాధి వీరులు’పై పిన్ డ్రాప్ సైలెన్స్!
-
Keerthy Suresh: స్పెషల్ సాంగ్ నుంచి స్టార్ హీరోల దాకా.. పెళ్లి తర్వాత కీర్తి సురేష్ రేంజ్ మామూలుగా లేదుగా!
-
Giacomo Filibeck: కాంగ్రెస్కు మద్దతుగా ‘ఓట్ చోర్’ నినాదాలు.. ఇటలీ నేతను బ్లాక్లిస్ట్ చేసిన ఫిలిప్పీన్స్!
-
Box Office Crisis: శుక్రవారం వస్తున్నాయి.. ఆదివారమే వెళ్లిపోతున్నాయి! చిన్న సినిమాలకు అసలేమైంది?
-
AP Govt: ఏపీలో టెక్నాలజీ విప్లవం.. మూడు నూతన పాలసీలకు ఉత్తర్వులు జారీ..
ట్రెండింగ్
-
Gully Cricket: చిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!