Ravi Teja: ‘వామ్మో వాయ్యో’ సాంగ్ రిలీజ్.. సంక్రాంతి స్పెషల్ మాస్ బీట్ రెడీ
- రవితేజ కొత్త మూవీ భర్త మహాశయులకు విజ్ఞప్తి..
- ఈ చిత్రం నుంచి ‘వామ్మో వాయ్యో’ సాంగ్ రిలీజ్..
- ఈ సాంగ్ కచ్చితంగా ప్రతి ఒక్కరికీ నచ్చుతుంది: చిత్ర యూనిట్
Ravi Teja: రవితేజ హీరోగా కిశోర్ తిరుమల డైరెక్షన్ లో రూపొందించిన మూవీ ‘భర్త మహాశయులకు విజ్ఞప్తి’. సుధాకర్ చెరుకూరి నిర్మిస్తున్నారు. ఆషికా రంగనాథ్, డింపుల్ హయాతి హీరోయిన్స్ గా.. ఈ సినిమా సంక్రాంతి బరిలో ఉంది. ఈనెల 13వ తేదీన ప్రేక్షకుల ముందుకు రాబోతున్న ఈ చిత్రం. ఈ నేపథ్యంలోనే శుక్రవారం నాడు వరంగల్లో ఈ చిత్ర గీతాన్ని విడుదల చేశారు. ‘‘వామ్మో వాయ్యో’’ అంటూ సాగిన ఈ జానపద పాటకు భీమ్స్ సెసిరోలె స్వరాలు సమకూర్చగా.. దేవ్ పవార్ సాహిత్యం అందించారు. స్వాతి రెడ్డి పాటను ఆలపించారు. శేఖర్ మాస్టర్ నృత్యరీతులు అందించారు. ఈ పాటలో రవితేజ, ఆషికా, డింపుల్ వేసిన స్టెప్పులు అందరిని ఆకట్టుకుంటున్నాయి.
Read Also: What’s Today: ఈ రోజు ఏమున్నాయంటే..?
అయితే, ఈ సందర్భంగా డైరెక్టర్ కిశోర్ తిరుమల మాట్లాడుతూ.. ‘‘ఇది ఆద్యంతం వినోదాత్మకంగా సాగే కుటుంబ కథా సినిమా.. కచ్చితంగా ప్రతి ఒక్కరికీ నచ్చుతుంది. థియేటర్లకు వచ్చి ఈ చిత్రాన్ని ఆస్వాదించండి’’ అన్నారు. ఇక, చాలా రోజుల తర్వాత ‘వామ్మో వాయ్యో’ లాంటి మాస్ పాట చేశా.. ఇది మాకెంతో ప్రత్యేకమైన సాంగ్ అని నటి డింపుల్ హయాతి చెప్పుకొచ్చింది. అలాగే, ఆషికా రంగనాథ్ మాట్లాడుతూ.. థియేటర్లో ఈ పాట అందర్నీ అలరిస్తుంది. చాలా ఎనర్జీతో నిండిన మాస్ సాంగ్ ఇది.. ఈ పాట కోసం నేను.. డింపుల్ చాలా కష్టపడి డ్యాన్స్ చేశామని వెల్లడించింది.
#BharthaMahasayulakuWignyapthi third single #VaammoVaayyo out now ❤️https://t.co/3lzkm6lCAk#BMW in cinemas on JANUARY 13th, 2026! pic.twitter.com/y5Q99IiqqH
— Ravi Teja (@RaviTeja_offl) January 2, 2026