Ranabaali Teaser: రౌడీ హీరో విజయ్ దేవరకొండ, నేషనల్ క్రష్ రష్మిక మందన్న జంటగా నటిస్తున్న మోస్ట్ అవైటెడ్ మూవీ ‘రణబాలి’పై సినీ అభిమానుల్లో భారీ అంచనాలు నెలకొన్నాయి. ముఖ్యంగా వీరిద్దరి వివాహం తర్వాత కలిసి నటిస్తున్న తొలి సినిమా కావడంతో ఈ మూవీపై మరింత ఆసక్తి కనిపిస్తోంది. తాజాగా చిత్ర బృందం టీజర్ రిలీజ్ డేట్తో పాటు థియేట్రికల్ రిలీజ్పై అధికారిక అప్డేట్ ఇచ్చింది. ‘రణబాలి’ మాస్ యాక్షన్ టీజర్ను సెప్టెంబర్ 9న విడుదల చేయనున్నట్లు తాజాగా మేకర్స్ అధికారికంగా ప్రకటించారు. ‘‘ది లెజెండ్ ఆఫ్ ది కర్స్డ్ ల్యాండ్ రైజెస్’’ అంటూ టీజర్పై హైప్ పెంచేలా వీడియోను రిలీజ్ చేశారు. ఇక ఈ చిత్రాన్ని అక్టోబర్ 16, 2026న ప్రపంచవ్యాప్తంగా గ్రాండ్గా విడుదల చేయనున్నట్లు వెల్లడించారు.
ఈ సినిమాకు ‘టాక్సీవాలా’ ఫేమ్ రాహుల్ సాంకృత్యాన్ దర్శకత్వం వహిస్తున్నారు. అత్యంత ప్రతిష్ఠాత్మకంగా తెరకెక్కుతున్న ఈ మూవీ కథ 19వ శతాబ్దం నేపథ్యంలో సాగుతుందని సమాచారం. వలస పాలనకు వ్యతిరేకంగా జరిగిన పోరాటాన్ని ఆధారంగా చేసుకుని భారీ యాక్షన్ డ్రామాగా సినిమాను రూపొందిస్తున్నట్లు టాక్ వినిపిస్తోంది. ఇప్పటికే విజయ్ దేవరకొండ – రాహుల్ సాంకృత్యాన్ కాంబినేషన్లో వచ్చిన ‘టాక్సీవాలా’ మంచి విజయాన్ని అందుకోవడంతో ‘రణబాలి’పై మొదటి నుంచే ఆసక్తి నెలకొంది. ఈసారి మరింత భారీ స్కేల్లో, యాక్షన్, పీరియాడిక్ ఎలిమెంట్స్తో డైరెక్టర్ ఈ సినిమాను రూపొందిస్తున్నట్లు తెలుస్తోంది.
మరోవైపు ఈ చిత్రంలో హాలీవుడ్ నటుడు ఆర్నాల్డ్ వోస్లూ కీలక పాత్రలో కనిపించనుండటం సినిమాకు మరో ప్రత్యేక ఆకర్షణగా మారింది. మైత్రీ మూవీ మేకర్స్, టీ-సిరీస్ సంయుక్తంగా నిర్మిస్తున్న ఈ చిత్రానికి అజయ్–అతుల్ సంగీతం అందిస్తున్నారు. సెప్టెంబర్ 9న ‘రణబాలి’ టీజర్ ప్రేక్షకుల ముందుకు రానుండటంతో విజయ్ అభిమానుల్లో ఇప్పటి నుంచే సందడి మొదలైంది. టీజర్తో సినిమా కథ, విజయ్ పాత్రపై మరింత క్లారిటీ వచ్చే అవకాశం ఉండటంతో అందరి చూపు ఇప్పుడు సెప్టెంబర్ 9పైనే ఉంది.
