Peddi : ‘పెద్ది’ సినిమాలో రొమాంటిక్ షెడ్యూల్‌కు లైన్ క్లియర్!

గ్లోబ‌ల్ స్టార్ రామ్ చ‌ర‌ణ్ ‘గేమ్ ఛేంజర్’ తర్వాత చేస్తున్న భారీ ప్యాన్ ఇండియా ప్రాజెక్ట్ ‘పెద్ది’ పై అంచనాలు తారాస్థాయికి చేరాయి. మాస్ ఎమోషన్, విలేజ్ బ్యాక్‌డ్రాప్, స్పోర్ట్స్ డ్రామా కోణాల్లో తెరకెక్కుతున్న ఈ చిత్రానికి ‘ఉప్పెన’ ఫేమ్ బుచ్చిబాబు సాన దర్శకత్వం వహిస్తున్నారు. ఇప్పటికే విడుదలైన ‘పెద్ది ఫస్ట్ షాట్’కు అభిమానుల నుంచి బ్లాక్‌బస్టర్ రెస్పాన్స్ రావడంతో, సినిమా పైన హైప్ మరింత పెరిగింది. ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుండగా, సినిమా షూటింగ్ శరవేగంగా కొనసాగుతోంది. ఇటీవలే ఓ భారీ యాక్షన్ ఎపిసోడ్ షూటింగ్‌ను మేకర్స్ పూర్తి చేశారు. ఇక తాజాగా పెద్ది సినిమాకు సంబంధించి ఓ స్పెషల్ సాంగ్ రూమర్ తెగ హల్‌చల్ చేస్తోంది.

Also Read : Thammudu : ‘తమ్ముడు’ ఓటీటీ పార్ట్నర్ ఫిక్స్..?

ఈ చిత్రానికి సంబంధించిన నెక్స్ట్ షెడ్యూల్‌ను జూలై 12న ఢిల్లీలో ప్రొరంభించనున్నట్లు తెలుస్తోంది. ఈ షెడ్యూల్‌లో కొన్ని కీలక సన్నివేశాలతో పాటు రామ్ చరణ్, జాన్వీ లపై కొన్ని రొమాంటిక్ సీన్స్ కూడా చిత్రీకరించనున్నారు. దీంతో పాటు ఒకట్రెండు పాటలు కూడా ఇక్కడే షూట్ జరుపుకోనున్నాయి. అంతేకాదు ఈ సినిమాకు సంబంధించి మరో 40 రోజుల షూటింగ్ బ్యాలెన్స్ ఉన్నట్లు తెలుస్తోంది. ఆగస్టు వరకు ఈ చిత్ర షూటింగ్ పూర్తి చేసి పోస్ట్ ప్రొడక్షన్ పనులు ప్రారంభించాలని మేకర్స్ భావిస్తున్నారట. ఏఆర్ రెహమాన్ సంగీతం అందిస్తున్న ఈ చిత్రంలో దివ్యేందు శర్మ, జగపతి బాబు, శివ రాజ్‌కుమార్ తదితరులు ఇతర కీలక పాత్రల్లో నటిస్తున్నారు.