Pushpa 2: రిలీజ్ డేట్ మారింది.. ఎప్పుడంటే?

అల్లు అర్జున్ పుష్ప 2 రిలీజ్ డేట్ మీద ముందు నుంచి జరుగుతున్న చర్చలే నిజమయ్యాయి. అయితే వాస్తవానికి ఈ సినిమా వాయిదా పడుతుందని చాలా అనుకున్నారు. కానీ ఇప్పుడు ఒక ఆసక్తికరమైన అప్డేట్ తెర మీదకు వచ్చింది. అదేంటంటే ఈ సినిమాని అనుకున్న రిలీజ్ డేట్ కంటే ఒకరోజు ముందుకి పోస్ట్ పోన్ చేయబోతున్నారు. వాస్తవానికి డిసెంబర్ 6వ తేదీన రిలీజ్ డేట్ అనౌన్స్ చేశారు. కానీ 5వ తేదీ సాయంత్రం నుంచి ప్రీమియర్స్ వేయాలని ప్లాన్ చేశారు. కానీ ఇప్పుడు రిలీజ్ డేట్ ఐదో తారీకుకి ప్రీ పోన్ చేసి ప్రీమియర్స్ నాలుగో తారీఖు సాయంత్రం నుంచి ప్లాన్ చేయబోతున్నట్లుగా తెలుస్తోంది. బాంబే డిస్ట్రిబ్యూటర్ల నుంచి వచ్చిన ఒత్తిడి మేరకు ఈ నిర్ణయం తీసుకున్నట్లుగా ప్రచారం జరుగుతోంది.

Jani Mastar : కొరియోగ్రాఫర్ జానీ మాస్టర్ కు బెయిల్ మంజూరు..

సుకుమార్ దర్శకత్వంలో తెరకెక్కిన పుష్ప ది రైజ్ సినిమా ఒక రేంజ్ లో ఆడింది. తెలుగు కంటే హిందీలో బాగా వర్కౌట్ అయింది. ఈ నేపథ్యంలో రెండో భాగం మీద సుకుమార్ సహా అల్లు అర్జున్ స్పెషల్ ఫోకస్ పెట్టారు. ఎన్నో రీ షూట్ లు, ప్రత్యేకంగా యాడ్ చేసిన సీన్లతో ఇప్పటికీ షూటింగ్లో బిజీగానే ఉన్నారు. ఈరోజు హైదరాబాద్ వేదికగా ఒక స్టార్ హోటల్ లో తెలుగు, తమిళ, కన్నడ, మలయాళ, హిందీ మీడియా ప్రతినిధుల సమక్షంలో కొత్త రిలీజ్ డేట్ అనౌన్స్ చేయబోతున్నారు. ఇక ఈ కార్యక్రమానికి నిర్మాతలు ఎర్నేని రవిశంకర్, నవీన్ ఎలమంచిలితో పాటు సినిమా కొనుగోలు చేసిన డిస్ట్రిబ్యూటర్లు కూడా హాజరు కాబోతున్నారు. మరో ఆసక్తికరమైన విషయం ఏమిటంటే కేవలం తెలుగు డిస్ట్రిబ్యూటర్లు మాత్రమే కాదు ఇతర భాషల డిస్ట్రిబ్యూటర్లను కూడా ఈ కార్యక్రమానికి ఆహ్వానించారు. ఇక ఐదు భాషల మీడియా ప్రతినిధులతో క్వశ్చన్ ఆన్సర్ సెషన్ కూడా జరగబోతోంది.