China Piece: ‘చైనా పీస్’ రెడీ అవుతోంది !

నిహాల్ కోధాటి మరియు సూర్య శ్రీనివాస్ హీరోలుగా నటిస్తున్న యూనిక్ స్పై డ్రామా ‘చైనా పీస్’ చిత్రం అక్కి విశ్వనాధ రెడ్డి దర్శకత్వంలో మూన్ లైట్ డ్రీమ్స్ బ్యానర్‌పై రూపొందుతోంది. ఈ సినిమాలో కమల్ కామరాజు, రఘు బాబు, రంగస్థలం మహేష్, శ్రీనివాస్ వడ్లమాని, శ్రీకాంత్ అయ్యంగార్ వంటి నటులు కీలక పాత్రల్లో కనిపించనున్నారు. ఈ చిత్రం స్పై డ్రామా జోనర్‌లో ప్రేక్షకులకు ఒక కొత్త అనుభవాన్ని అందించనుంది. ఈ రోజు మేకర్స్ ‘వాలి’ అనే పాత్రలో నిహాల్ కోధాటిని పరిచయం చేస్తూ ఫస్ట్ లుక్ పోస్టర్‌ను విడుదల చేశారు. ఈ ఫస్ట్ లుక్‌లో నిహాల్ ఇంటెన్స్ లుక్ అదిరిపోయింది. ఆయన క్యారెక్టర్ డిజైన్ చూస్తే సినిమాపై ఆసక్తి మరింత పెరుగుతుంది. నిహాల్ కోధాటి ఈ పాత్రలో ఎలాంటి పెర్ఫార్మెన్స్ ఇవ్వబోతున్నాడనే దానిపై అంచనాలు ఇప్పటికే ఊపందుకున్నాయి.

ఈ చిత్రానికి టెక్నికల్ టీమ్ కూడా అద్భుతంగా పని చేస్తోంది. డైరెక్టర్ ఆఫ్ ఫోటోగ్రఫీగా సురేష్ రగుతు విజువల్స్‌ను అందిస్తుండగా, సంగీత దర్శకుడు కార్తీక్ రోడ్రిగ్జ్ ఆడియో అనుభవాన్ని పెంచేలా బ్యాక్‌గ్రౌండ్ స్కోర్ మరియు పాటలను సమకూరుస్తున్నారు. ప్రముఖ ఎడిటర్ మార్తాండ్ కె. వెంకటేష్ ఈ సినిమాకు సంక్షిప్తతను తీసుకొస్తున్నారు. ఈ ట్యాలెంటెడ్ టెక్నీషియన్స్ సహకారంతో ‘చైనా పీస్’ ఒక విజువల్ మరియు ఆడియో ట్రీట్‌గా రూపొందుతోంది. ప్రస్తుతం ఈ సినిమా షూటింగ్ పూర్తి చేసుకుంది. త్వరలోనే మేకర్స్ రిలీజ్ డేట్‌ను అధికారికంగా ప్రకటించనున్నారు. ఈ యూనిక్ స్పై డ్రామా కథాంశం, నిహాల్ కోధాటి ఇంటెన్స్ లుక్, మరియు బలమైన టెక్నికల్ టీమ్‌తో ‘చైనా పీస్’ ప్రేక్షకులకు ఒక డిఫరెంట్ సినిమాటిక్ ఎక్స్‌పీరియన్స్‌ను అందించేందుకు సిద్ధంగా ఉంది.