Nayanatara : యంగ్ హీరో సరసన నయనతార..ఎవరా హీరో ..?

లేడి సూపర్ స్టార్ నయనతార చంద్రముఖి సినిమాతో నటిగా తనకంటూ ప్రత్యేక గుర్తింపు తెచ్చుకుంది. తమిళ్ లో స్టార్ హీరోల సరసన నటించి మెప్పించింది. దాదాపు రెండు దశాబ్దాలుగా తమిళ పరిశ్రమలో అగ్ర నటిగా కొనసాగుతుంది. లక్మి చిత్రంతో తెలుగు తెరకు పరిచయమయింది నయన్. తెలుగులోను స్టార్ హీరోలందరితో స్క్రీన్ షేర్ చేసుకుంది నయన్ తార. శ్రీరామరాజ్యం వంటి పౌరాణిక చిత్రాలలో బాపు దర్శకత్వంలో సీత పాత్రలో అద్భుతంగా నటించి మెప్పించింది.

కాగా ఇటీవల కాలంలో అడపా దడపా చిత్రాలలో మాత్రమే కనిపించింది. తెలుగులోను ఏడాదికొక సినిమా మాత్రమే చేస్తుంది. ఇటీవల మెగాస్టార్ సరసన సైరా నరసింహ రెడ్డి, గాడ్ ఫాదర్ చిత్రాలలో మాత్రమే తళుక్కుమంది ఈ భామ. తెలుగు, తమిళ్ లో ఈ భామని తీసుకుపోవడానికి కారణం కూడా లేకపోలేదు. నయన్ ఒక్కో సినిమాకు రెండు లేదు మూడు కోట్లు వరకు రెమ్యునరేషన్ తీసుకుంటుంది. కానీ రొమాంటిక్ సన్నివేశాలు వంటివి ఉండకూడదు. ముద్దు సన్నివేశాలు అసలే ఉండకూడదు. దానితో పాటు ఎటువంటి ప్రమోషన్స్ కు నయనతార పాల్గొనదు. ఎంతటి స్టార్ హీరో సినిమా అయినా ప్రమోషన్స్ కు మినహాయింపు ఇవ్వాల్సిందే.

అటు తమిళ్ లోను ఆచితూచి  సినిమాలు చేస్తుంది నయన్.  తాను లీడ్ రోల్ వున్నా చిత్రాలకు మాత్రమే పచ్చజెండా ఊపుతోంది. తాజాగా నయన్ ఓ యంగ్ హీరో సరసన నటించేందుకు గ్రీన్ సిగ్నల్ ఇచ్చింది. దాదా, స్టార్ చిత్రాలతో సూపర్ ఫామ్ లో ఉన్న యంగ్ హీరో కెవిన్ సరసన నటించబోతున్నట్టు ఓ పోస్టర్ ను షేర్ చేసి అందరిని ఆశ్ఛర్య పరిచింది నయన్. మరి ఈ చిత్ర ప్రమోషన్స్ లో అయినా పాల్గొంటుందో లేదో చుడాలి.

Also Read :Pongal Race: సీనియర్ హీరోల పోటీ..విజయం ఎవరిని వరిస్తుందో..?