నందమూరి బాలకృష్ణ బోయపాటి శ్రీను కాంబినేషన్ ఎంత పెద్ద హిట్ అయిందో అంతే రేంజ్ లో తమన్ బాలకృష్ణ కాంబినేషన్ కూడా అంతే రేంజ్ లో హిట్ అయింది. వీరిద్దరూ కలిసి చేసిన సినిమాలు మ్యూజిక్ పరంగా రికార్డులు సృష్టించడమే కాదు థియేటర్లు కూడా దద్దరిల్లేలా రీసౌండ్ చేసాయి. బాలయ్య, తమన్ కాంబోలో డిక్టేటర్, అఖండ, వీరసింహ రెడ్డి, భగవంత్ కేసరి సినిమాలు వచ్చాయి. ఈ మూడు సినిమాల విజయంలో మ్యూజిక్ కీలక పాత్ర పోషించిందని చెప్పడంలో సందేహం లేదు.
Also Read : Suriya : సూర్య డైరెక్ట్ తెలుగు సినిమా ఫిక్స్.. దర్శకుడు ఎవరేంటే.?
పాజిటివ్ టాక్ తో పాటు కలెక్షన్స్ వర్షం కూడా కురిపించింది ఈ కాంబో. వీరిద్దరి కాంబోలో తాజాగా వచ్చిన డాకు మహారాజ్ సినిమాలోని కొన్ని సాంగ్స్ తో పాటు బ్యాక్గ్రౌండ్ స్కోర్ అయితే బాలకృష్ణ కెరియర్ లో బెస్ట్ అని తమన్ ప్రాణం పెట్టి పనిచేశాడని కూడా కామెంట్స్ వినిపించాయి. ముఖ్యంగా నందమూరి అభిమానులు అయితే తమన్ కి నందమూరి అనే ఇంటి పేరు ఇచ్చేసి మరి నందమూరి తామన్ అనే పేరుతో పిలుచుకున్నారు. ఇక తాజాగా నందమూరి బాలకృష్ణ తన ఆస్థాన సంగీత విద్వాంసుడు తమన్ అత్యంత ఖరీదైన కార్ గిఫ్ట్ గా ఇచ్చారు ఈ విషయాన్ని తమన్ సోషల్ మీడియాలో షేర్ చేసారు. బాలయ్య గిఫ్ట్ గా ఇచ్చిన పోర్షే కారు కారు అక్షరాల 2.50 కోట్లు అని సమాచారం. ఇక బాలయ్య హీరోగా బోయపాటి దర్శకత్వంలో వస్తున్న అఖండ -2 కు కూడా తమన్ సంగీతం అందిస్తున్నాడు. తనకు బాలయ్య తండ్రితో సమానం అని తమన్ ఇటీవల ఓ ఇంటర్వ్యూ లో తెలిపాడు.
