Splitsvilla: ‘ప్రేమ కావాలా? పైసా కావాలా?’: జియోహాట్‌స్టార్‌ తెలుగులో ‘ఎమ్‌టీవీ స్ప్లిట్స్‌విల్లా X6’ స్ట్రీమింగ్!

పాపులర్ యూత్ డేటింగ్ రియాలిటీ షో ‘ఎమ్‌టీవీ స్ప్లిట్స్‌విల్లా’ (MTV Splitsvilla). ఇప్పుడు ఈ షో సరికొత్త సీజన్‌తో, ఊహించని ట్విస్టులతో, మరింత బోల్డ్ అండ్ స్పైసీగా ప్రేక్షకుల ముందుకు వచ్చేసింది. అయితే ఈసారి తెలుగు ఆడియన్స్‌కు ఓ అదిరిపోయే శుభవార్త! చరిత్రలో తొలిసారిగా ఈ ప్రతిష్టాత్మక షో 16వ సీజన్ ‘ఎమ్‌టీవీ స్ప్లిట్స్‌విల్లా X6: ప్యార్ యా పైసా’ పేరుతో తెలుగులో స్ట్రీమింగ్ అవుతోంది. గత సీజన్ ఫినాలేలో కంటెస్టెంట్లు దిగ్విజయ్, కాశిష్ తీసుకున్న అనూహ్య నిర్ణయాల వల్ల ఏర్పడిన ఉత్కంఠను ఆధారంగా చేసుకుని, ఈ కొత్త సీజన్‌ను మరింత రసవత్తరంగా డిజైన్ చేశారు.

మహాబలిపురం సముద్ర తీరంలో ఈ సీజన్ షూటింగ్ జరిగింది. మొత్తం 33 మంది హాట్ అండ్ సింగిల్ యువతీ యువకులు ఇందులో కంటెస్టెంట్లుగా అడుగుపెట్టారు. వీరిని ప్రధానంగా ‘ప్యార్ విల్లా’ (ప్రేమ ఇల్లు), ‘పైసా విల్లా’ (డబ్బు ఇల్లు) అనే రెండు భిన్నమైన విభాగాలుగా విడదీశారు. అసలు ఈ 33 మందిలో ప్రేమను గెలిపించేది ఎవరు? డబ్బుకు ఆకర్షితులయ్యేది ఎవరు? ప్రేమ, డబ్బు మధ్య జరిగే ఈ ఆసక్తికరమైన మైండ్ గేమ్‌లో నెగ్గి తమకు తగిన జోడీని ఎవరు వెతుక్కుంటారు? అన్నదే ఈ సీజన్ ప్రధాన ఆకర్షణ. ఈ భారీ రియాలిటీ షోకు గ్లామర్ అద్దేందుకు బాలీవుడ్ బ్యూటీ, ‘క్వీన్ ఆఫ్ హార్ట్స్’ సన్నీ లియోన్ హోస్ట్‌గా వ్యవహరిస్తున్నారు. స్ప్లిట్స్‌విల్లాతో ఆమెకు దశాబ్ద కాలంగా విజయవంతమైన అనుబంధం ఉంది. ఈసారి ఆమెకు తోడుగా ‘కింగ్ ఆఫ్ హార్ట్స్’ కరణ్ కుంద్రా కో-హోస్ట్‌గా ఎంట్రీ ఇచ్చి షోలో సరికొత్త జోష్ నింపారు.