Barroz : మోహన్ లాల్ బరోజ్ తెలుగు ట్రైలర్ వచ్చేసింది..
మలయాళ సూపర్స్టార్ మోహన్లాల్ గత కొద్ది హిట్ లేక సతమతమవుతున్నారు. ఎన్నో ఆశలు పెట్టుకున్న మలైకుట్టి వాలీబాన్ డిజాస్టర్ గా నిలిచింది. ఇక ఈ సారి మోహన్ లాల్ రంగంలోకి దిగాడు. తానే స్వయంగా బరోజ్: గార్డియన్ ఆఫ్ ట్రెజర్ సినిమాతో దర్శకుడిగా మారాడు. పూర్తీ 3డిలో వస్తున్న ఈ చిత్రంలో మోహన్లాల్ శతాబ్దాలుగా వాస్కోడిగామా దాచిన నిధిని కాపాడుతున్న బరోజ్ అనే జెనీ పాత్రలో కనిపించనున్నాడు. మలయాళం, తెలుగు, తమిళ్, కన్నడ తో పాటు హిందీ భాషలలో ప్యాన్ ఇండియా స్థాయిలో తెరకెక్కిన ఈ సినిమా తెలుగు ట్రైలర్ ను తాజాగా రిలీజ్ చేశారు మోహన్ లాల్.
బారోజ్ ట్రైలర్ కు విశేష స్పందన లభిస్తోంది. హాలీవుడ్ స్థాయి విజువల్స్, అద్భుతమైన గ్రాఫిక్స్ ఆకట్టుకుంటున్నాయి. ఇది జిజో పున్నూస్ రాసిన నవల ఆధారంగా రూపొందించబడింది. బరోజ్కి సంతోష్ శివన్ సినిమాటోగ్రఫీ అందించగా లిడియన్ నాధస్వరం సంగీతం సమకూరుస్తున్నారు. USA కు చెందిన మార్క్ కిలియన్ బ్యాగ్రౌండ్ మ్యూజిక్ అందించారు. గతేడాది రిలీజ్ కావాల్సిన ఈ సినిమా అనేక వాయిదాల తర్వాత, ఈ ఏడాది డిసెంబర్ 25న విడుదల చేస్తున్నట్టు ప్రకటించారు మేకర్స్. ఆశీర్వాద్ సినిమాస్ పతాకంపై ఆంటోని పెరుంబవూరు అత్యంత భారీ బడ్జెట్ పై నిర్మించిన ఈ చిత్రంలో మోహన్లాల్ లీడ్ రోల్స్ లో నటించగా మాయ, సీజర్ లోరెంటే రాటన్, కల్లిర్రోయ్ టిజియాఫెటా, తుహిన్ మీనన్ మరియు గురు సోమసుందరం ముఖ్య పాత్రలు పోషించిన ఈ సినిమాను తెలుగులో ఈ సినిమాను మైత్రీ మూవీస్ సంస్థ విడుదల చేస్తోంది.