Rashmika: కర్ణాటక ఎక్కడుందో తెలియదా? రష్మికకు సరైన గుణపాఠం నేర్పించాలి!

సినీ నటి రష్మిక మందన్నకు గుణపాఠం చెప్పాలనుకుంటున్నారు కర్ణాటకలోని కాంగ్రెస్ ఎమ్మెల్యే రవి. మండ్య నియోజకవర్గం ఎమ్మెల్యే రవికుమార్ గౌడ గనిగ తాజాగా నటి రష్మికపై తీవ్ర విమర్శలు గుప్పించారు. బెంగళూరు అంతర్జాతీయ చలనచిత్రోత్సవంలో పాల్గొనడానికి రష్మిక నిరాకరించడంపై ఎమ్మెల్యే ఆగ్రహం వ్యక్తం చేశారు. “కన్నడ సినిమా కిరిక్ పార్టీతో అరంగేట్రం చేసిన రష్మిక మందన్నను గత సంవత్సరం బెంగళూరు అంతర్జాతీయ చలనచిత్రోత్సవంలో పాల్గొనమని మేము ఆహ్వానించినప్పుడు, ఆమె నిరాకరించింది.” ‘నా ఇల్లు హైదరాబాద్‌లో ఉంది.’ కర్ణాటక ఎక్కడ ఉందో నాకు తెలియదు. నాకు సమయం లేదు. కాబట్టి నేను రాను.’ అని రష్మిక అన్నారు. మా ఎమ్మెల్యేలలో ఒకరు పది లేదా పన్నెండు సార్లు ఆమెను ఆహ్వానించడానికి ఇంటికి వెళ్ళారు కానీ ఆమె తిరస్కరించారు.

RK Roja: రేపు అదే రిపీట్ అవుతుంది.. వడ్డీతో సహా తిరిగిచ్చేస్తారు.. రోజా వార్నింగ్‌

కన్నడ సినిమా పరిశ్రమ అభివృద్ధి చెందుతున్నప్పటికీ, ఆమె దానిని తక్కువ చేసి మాట్లాడారు. మనం వాళ్ళకి గుణపాఠం చెప్పకూడదా?’ అని రవి కుమార్ గౌడ కర్ణాటక అసెంబ్లీలో విలేకరులతో మాట్లాడుతూ అన్నారు. రష్మిక ప్రవర్తన తీవ్ర పరిణామాలను కలిగిస్తుందని కూడా ఆయన అన్నారు. కాంగ్రెస్ ఎమ్మెల్యే ప్రకటనపై బిజెపి స్పందించింది. బిజెపి నాయకుడు, మాజీ కేంద్ర మంత్రి, మలయాళీ రాజీవ్ చంద్రశేఖర్ రవికుమార్ పై విమర్శలు గుప్పించారు. డి.కె. శివకుమార్, సిద్ధరామయ్యలు రవికుమార్‌ను రాజ్యాంగం చదవమని చెప్పాలని ఆయన లేఖలో రాశారు. ఎవరైనా రాజ్యాంగం గురించి ‘పాఠం నేర్చుకోవాలనుకుంటే’, తాను దానిని ఉచితంగా బోధిస్తానని రాజీవ్ చంద్రశేఖర్ చమత్కరించారు.