తెలుగు సినిమా ఖ్యాతిని ప్రపంచవ్యాప్తంగా చాటి చెప్పిన రాజమౌళి తెలుగులో నెంబర్ వన్ డైరెక్టర్ అనడంలో ఎలాంటి సందేహం లేదు. ఆ మాటకొస్తే తెలుగులోనే కాదు ఇండియాలో టాప్ మోస్ట్ డైరెక్టర్ లిస్టులో ఆయన కూడా ఉంటారు. అంతే కాకుండా ఆయన తన సినిమాల్లో హైటెక్ విజువల్ ఎఫెక్ట్స్ ని ప్రేక్షకుల ముందుకు తీసుకొచ్చే ప్రయత్నం చేస్తున్నారు. రాజమౌళి మహేష్ బాబు హీరోగా ఒక సినిమా చేయాల్సి ఉంది. ఈ సినిమా ఇంకా పట్టాలెక్కలేదు. ప్రస్తుతానికి ప్రీ ప్రొడక్షన్ శరవేగంగా జరుగుతున్నాయి. ఇక ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయి. ఇండియానా జోన్స్ జోనర్ను పోలిన కథ అని, నిధుల వేట, అటవీ నేపథ్యంలో సాగుతుందని కూడా అనేక మార్లు తెర మీదకి వచ్చాయి. అయితే ఇప్పుడు ఈ ప్రాజెక్టుకు సంబంధించిన మరో ఆసక్తికరమైన విషయం గురించి చర్చ జరుగుతోంది. ఈ సినిమా కథకీ, రామాయణానికీ పోలిక ఉంటుందని అంటున్నారు.
Arjun Tendulkar: ఐపీఎల్ వేలానికి ముందు రంజీ ట్రోఫీలో నిప్పులు చెరిగిన అర్జున్ టెండూల్కర్.. ఏకంగా?
ఈ సినిమాలో ఓ సందర్భంలో మహేష్ రాముడిగా కనిపించబోతున్నాడని ప్రచారం జరుగుతోంది. ఆర్ఆర్ఆర్లోని ఓ షాట్ లో రామ్ చరణ్, అల్లూరి సీతారామరాజు గెటప్ లో దర్శనమిచ్చినా నార్త్ వాళ్లంతా ఆయన రాముడే అనుకుని పూనకాలతో ఊగిపోయారు. ఇక ఇప్పుడు మహేష్ తో కూడా అలాంటి ఓ ఎపిసోడ్ ప్లాన్ చేస్తున్నారని శ్రీరాముడిగా మహేష్ ని చూసినప్పుడు పూనకాలు మించి ఉండేలా ప్లాన్ చేస్తున్నాడని అంటున్నారు. వారణాసి నేపథ్యంలో కొంత మేర కథ నడుస్తుందని ఈ క్రమంలో హైదరాబాద్ లోనే వారణాసి సెట్ ని తీర్చిదిద్దే పనిలో సినిమా యూనిట్ ఉంది. ప్రస్తుతానికి ఎలాంటి అప్డేట్ అయితే లేదు కానీ 2025 ఫిబ్రవరి చివరి వారం నుంచి రెగ్యులర్ షూటింగ్ మొదలయ్యే అవకాశం ఉందనే టాక్ అయితే ఉంది.
