God of War Confirmed: ఎన్టీఆర్ ఫ్యాన్స్‌కి డబుల్ ట్రీట్..నాగవంశీ సాలిడ్ హింట్!

ఎన్టీఆర్ – త్రివిక్రమ్ కాంబినేషన్‌లో గతంలో వచ్చిన ‘అరవింద సమేత వీర రాఘవ’ ఎంతటి ఘనవిజయం సాధించిందో తెలిసిందే. అప్పటినుండి వీరి క్రేజీ కాంబోలో మరో సినిమా ఎప్పుడు వస్తుందా అని నందమూరి అభిమానులు కళ్లల్లో ఒత్తులు వేసుకుని ఎదురుచూస్తున్నారు. ఈ నేపథ్యంలోనే ‘గాడ్ ఆఫ్ వార్’ అనే పవర్‌ఫుల్ టైటిల్‌తో ఒక మైథలాజికల్ లేదా హై-వోల్టేజ్ యాక్షన్ డ్రామాను అనౌన్స్ చేసిన సంగతి తెలిసిందే. అయితే, ఈ ప్రాజెక్ట్ ఆలస్యం అవుతుందంటూ గత కొద్దిరోజులుగా వస్తున్న రూమర్లకు చెక్ పెడుతూ, నిర్మాత సూర్యదేవర నాగవంశీ ఎన్టీఆర్ బర్త్ డే వేడుకల్లో భాగంగా సరికొత్త అప్‌డేట్ ఇచ్చారు.

నిర్మాత నాగవంశీ (సిరాతో కూడిన సితార ఎంటర్‌టైన్‌మెంట్స్ / హారిక అండ్ హాసిని క్రియేషన్స్) తమ అధికారిక సోషల్ మీడియా హ్యాండిల్స్ ద్వారా ఎన్టీఆర్‌కు పుట్టినరోజు శుభాకాంక్షలు తెలుపుతూ ఒక క్రేజీ పోస్ట్‌ను షేర్ చేశారు.. ‘మా ‘గాడ్ ఆఫ్ వార్’ (God of War) కి జన్మదిన శుభాకాంక్షలు. తారక్ గారు.. అతి త్వరలోనే మిమ్మల్ని మన సినిమా షూటింగ్ సెట్స్‌లో కలవడానికి ఎంతో ఆత్రుతగా ఎదురుచూస్తున్నాము’ అని తెలిపారు. ఈ ట్వీట్‌లో మేకర్స్ స్పెషల్‌గా నెమలి ఎమోజీని జత చేయడం ఇప్పుడు మెగా టాపిక్‌గా మారింది. హిందూ పురాణాల ప్రకారం నెమలి అనేది ‘యుద్ధ దేవుడు’ అయిన కుమారస్వామి (కార్తికేయ) వాహనం. ఈ నేపథ్యంలో సినిమా టైటిల్ ‘గాడ్ ఆఫ్ వార్’ కు, ఈ నెమలి ఎమోజీకి ఖచ్చితంగా బలమైన కనెక్షన్ ఉందని, త్రివిక్రమ్ ఈసారి ఇండియన్ హిస్టరీలోనే ఒక అద్భుతమైన మైథలాజికల్ యాక్షన్ ఎపిక్‌ను గ్రాండ్ స్కేల్‌లో ప్లాన్ చేశారని స్పష్టమవుతోంది.

 

LUGER kalaloki mathram raakandi 💥… RAW Madness, pure fireee… can’t wait to witness the havoc 🔥🔥🔥

Wishing our #DRAGON @tarak9999 anna a blockbuster birthday filled with love, power & happiness ❤️

See you on the setss veryyy soon anna ❤️‍🔥🥳🦚 #HappyBirthdayNTR…

— Naga Vamsi (@vamsi84) May 19, 2026