“అద్భుతం”గా తేజ సజ్జా, శివానీ రాజశేఖర్ ఫస్ట్ లుక్

యంగ్ అండ్ టాలెంటెడ్ హీరో తేజ సజ్జా, శివానీ రాజశేఖర్ నటించిన చిత్రం ‘అద్బుతం’. ఈరోజు యంగ్ బ్యూటీ శివానీ పుట్టినరోజు సందర్భంగా సినిమా టైటిల్ అండ్ ఫస్ట్ లుక్ పోస్టర్ ను ఆవిష్కరించారు. ఈ ఫస్ట్ లుక్ ను నేచురల్ స్టార్ నాని విడుదల చేశారు. ఫస్ట్ లుక్ పోస్టర్ విలక్షణంగా కనిపిస్తుంది. తేజ, శివానీ కుర్చీపై కూర్చున్నారు కాని విభిన్న నేపథ్యాలలో… ఫస్ట్ లుక్ అందరి దృష్టిని ఆకర్షిస్తోంది. అయితే ఫస్ట్ లుక్ పోస్టర్ తోనే సినిమా విభిన్నంగా ఉంటుందనే విషయాన్నీ స్పష్టం చేసే ప్రయత్నం చేశారు మేకర్స్.

Read Also : అజిత్ అభిమాలకు గుడ్ న్యూస్… డబుల్ ట్రీట్…!!

ఈ చిత్రానికి మాలిక్ రామ్ దర్శకత్వం వహించారు. మహాతేజా ప్రొడక్షన్స్, ఎస్ ఒరిజినల్స్ బ్యానర్స్ సంయుక్తంగా ఈ ప్రాజెక్టును నిర్మిస్తున్నాయి. ఈ ప్రాజెక్ట్ గురించిన మరిన్ని వివరాలు త్వరలో బయటికి వస్తాయి. కాగా శివాని రాజశేఖర్ టాలీవుడ్ ఎంట్రీ ఎప్పుడో అయిపోయేది. శివాత్మిక, అడవిశేష్ ఆ ప్రాజెక్ట్ లో జంటగా నటించాల్సింది. కానీ తెలియని కారణాలతో ఆ చిత్రం ఆగిపోయింది. ఇక ప్రస్తుతం ఈ బ్యూటీ రెండు మూడు ప్రాజెక్టులతో బిజీగా ఉన్నప్పటికీ ఇంకా ఒక్క చిత్రం కూడా విడుదల కాలేదు.