Diwali : దీపావళి రేస్ లోకి ప్రశాంత్ నీల్ సినిమా..

దసరా సినిమాల సందడి దాదాపు ముగిసింది. హాలిడే నాడు సత్తా చూపిన దసరాకు వచ్చిన సినిమాలు వర్కింగ్ డేస్ లో పత్తా లేవు. ఉన్నంతలో రజనీకాంత్ వేట్టయాన్, గోపిచంద్ విశ్వం పర్వాలేదు. ఇక ఇప్పుడు దీపావళి రాబోతున్న సినిమాలపై చర్చ నడుస్తోంది. ఫెస్టివల్ కి తోడు పబ్లిజ్ హాలిడే కావడంతో ఈ రోజు సినిమాలు రిలీజ్ చేసేందుకు కర్చీఫ్ లు వేసుకుని రెడీ గా ఉన్నారు. దాదాపు 8 సినిమాలు దీపావళి కానుకగా థియేటర్లలో దిగుతున్నాయి.

Also Read : SDT18: సాయి దుర్గ్ తేజ్18 బర్త్ డే గ్లింప్స్ అదరహో..

ఆక్టోబరు 30న దుల్కర్ సల్మాన్ నటించిన లక్కీ భాస్కర్ ప్రీమియర్స్ తో రిలీజ్ కానుంది.ఇక అక్టోబరు 31న నిఖిల్ ‘అప్పుడో ఇపుడో ఎపుడో’ వస్తోంది. అదే డేట్ లో సత్యదేవ్ జీబ్రా రిలీజ్ కానుంది. మరొక యంగ్ హీరో కిరణ్ అబ్బవరం హీరోగా వస్తున్న ‘క’ అక్టోబరు 31న విడుదలకు ఏర్పాట్లు చేసారు. వీటితో పాటు తమిళ హీరో శివ కార్తికేయన్ ‘అమరన్’ కూడా అదే రోజు వస్తోంది. అమరన్ కు పోటీగా జయం రవి ‘బ్రదర్’ వస్తోంది. ఇవి చాలవన్నట్టు కన్నడ స్టార్ దర్శకుడు ప్రశాంత్ నీల్ కథ, స్క్రీన్ ప్లే అందించిన ‘బఘీర’ అక్టోబరు 31న విడుదల చేస్తున్నట్టు తాజాగా ప్రకటించారు చిత్ర నిర్మాతలు. ఈ సినిమాను తెలుగులో ఏషియన్ సురేష్ విడుదల చేస్తున్నారు. ఇన్ని సినిమాలు ఒకేసారి రావడం వల్ల ఏ సినిమాకు సరైన ఓపెనింగ్స్ రావని, కొన్ని ఏరియాల్లో థియేటర్స్ కూడా దొరకడం ఇబ్బందే అని ట్రేడ్ వర్గాలు అంచనా వేస్తున్నాయి. అయినా సరే సదరు నిర్మాతలకు ఫెస్టివల్ రోజే కావాలి.