హైదరాబాదులోని తెలుగు సినీ పరిశ్రమ కీలక నిర్మాతల మీద జరిగిన ఐటీ దాడులు కలకలం రేపాయి. సుదీర్ఘంగా నాలుగు రోజుల పాటు సాగిన ఈ సోదాల గురించి అనేక చర్చలు కూడా జరుగుతున్నాయి. ఈ క్రమంలోనే దిల్ రాజు ఈ అంశం మీద మాట్లాడడానికి మీడియా ముందుకు వచ్చారు. ఆయన మాట్లాడుతూ నాలుగు రోజులుగా ఐటీ దాడులు, మా నివాసాల్లోనూ .. ఆఫీస్ లోనూ జరిగాయని అన్నారు. అయితే కొన్ని ఛానెల్స్, సోషల్ మీడియాలో మా వద్ద డబ్బు డాక్యుమెంట్స్ దొరికాయని వార్తలు వేశారు, కానీ 20 లక్షల లోపు మాత్రమే ఉన్నాయని అన్నారు. ఇక ఐదు సంవత్సరాల నుంచి మేము ఎక్కడా ఇన్వెస్ట్ చేయలేదన్న ఆయన 24 క్రాఫ్ట్స్ లో లావాదేవిల డిటైల్స్ తీసుకున్నారని అన్నారు. పైనల్ గా నా వద్ద డాక్యుమెంట్స్ చెక్ చేశారని అవి చూసి డిపార్ట్మెంట్ వారు ఆశ్చర్య పోయారు.. అంతా క్లీన్ గా ఉందన్నారని అన్నారు.
Dil Raju: ఐటీ సోదాలు కామన్, ఆస్తుల పత్రాలు దొరకలేదు : దిల్ రాజు కీలక ప్రకటన!
ఇక మాఅమ్మ గారికి లంగ్ ఇన్ఫెక్షన్ వల్ల చికిత్స తీసుకోవడానికి ఆసుపత్రికి వెళితే గుండె పోటు అంటూ రకరకాల వార్తలు రాస్తున్నారు. దయచేసి మా మీద తప్పుడు వార్తలు వేయవద్దని అన్నారు. ఇక కాంగ్రెస్ ప్రభుత్వంలో పదవి తీసుకోవడం వలన నేనేమి టార్గెట్ అవ్వలేదు అని పేర్కొన్న ఆయన మా మీద సెర్చ్ జరిగి 18 ఏళ్లు అయింది. ఇదంతా ప్రాసెస్ అని అన్నారు. ఇక ఎక్కువగా ఊహించుకొవద్దు.. ఎలాంటి హాడావుడి లేదు, ఇండస్ట్రీ లో అంతా ఆన్ లైన్ లో బుకింగ్ .. ఆన్ లైన్ ట్రాన్సాక్షన్స్ జరుగుతున్నాయని అన్నారు. నా ఒక్కడి మీదనే కాదు ఇండస్ట్రీ అంతటా రైడ్స్ జరిగాయని ఆయన అన్నారు. కలెక్షన్స్ ఎక్కువ చేసి చూపించటం మీద ఇండస్ట్రీ అంతా కూర్చొని మాట్లాడాతామని తాను ఒక్కడినే మాట్లాడేది కాదన్నారు. ఇక ఫిబ్రవరి 3 న ఐటీ అధికారులు కలవమన్నారు.. ఆడిటర్స్ వెళ్లి కలుస్తారని ఆయన వెల్లడించారు.
