Anil Ravipudi: నాకు దక్కాల్సిన రెస్పెక్ట్ దక్కడం లేదు అంటున్న అనిల్ రావిపూడి..

క‌మ‌ర్షియ‌ల్,యాక్షన్, కామెడీ అని అంశాల‌ను స‌రైన పాళ్లల్లో క‌లిపి బ్లాక్ బ‌స్టర్లు కొట్టడ దర్శకుడు అనిల్ రావిపూడి స్టైల్. పరిశ్రమలోకి అడుగుపెట్టి 10 వసంతాలు పూర్తి చేసుకున్న అనిల్.. 8 సినిమాలకు దర్శకత్వం వహించి, 8 విజయాలను అందుకున్నారు. దీంతో టాలీవుడ్ లో రాజ‌మౌళి త‌ర్వాత అస‌లు ఫ్లాప్ ట్రాక్ రికార్డు లేని డైరెక్టర్లలో త‌ను రెండో స్థానంలో ఉన్నాడు.ఇక ఈ సంక్రాంతి కానుకగా వచ్చిన ‘సంక్రాంతికి వస్తున్నాం’ చిత్రం రికార్డుల దుమ్ముదులుపు తుంది.

దాదాపు రూ.250 కోట్లకు పైగా గ్రాస్ వసూళ్లతో కెరీర్‌లోనే బిగ్గెస్ట్ హిట్‌ను అందుకున్నాడు అనిల్ రావిపూడి. అంతేకాదు ఈ మూవీతో వరుస ఫ్లాప్స్‌తో సతమవుతున్న స్టార్ ప్రొడ్యూసర్ దిల్‌రాజును కూడా ఒడ్డున పడేశాడు. ఎప్పుడూ మైక్ అందుకోని దిల్‌రాజు సోదరుడు శిరీష్ సైతం అనిల్‌ రావిపూడి గురించి చెబుతూ ఎమోషనల్ అయ్యారు. అలా హీరో వెంకటేష్, నిర్మాతలు, చిత్ర యూనిట్ మొత్తం ప్రతి చోట అనిల్‌ని ఆకాశానికెత్తేస్తున్నారు. అలాంటిది ఓ విషయంలో మాత్రం తీవ్రంగా బాధపడుతున్నారట అనిల్..

Also Read:Siddharth: శుద్ధ పూసలా కబుర్లు చెప్పొద్దు.. అంటూ సిద్దార్థ్ పై నెటిజన్స్ కౌంటర్లు

అయితే ఇటీవల ఓ మీడియాతో ముచ్చటించిన అనిల్ ‘ఇన్ని విజయాలు,రికార్డులు, ప్రశంసలు దక్కినప్పటికి తెలుగు చిత్ర పరిశ్రమలోనూ, మీడియాలోనూ, క్రిటిక్స్ సర్కిల్స్‌లోనూ నాకు దక్కల్సిన రెస్పెక్ట్ దక్కడంలేదు. కానీ కొందరు దర్శకులకు చిన్న విషయానికే సోషల్ మీడియా ప్లాట్‌ఫామ్ లో పెద్ద ఎలివేషన్ లభిస్తుంది. ఇంత సాధించిన నాకు అలాంటివి దక్కడం లేదు. అయిన నాకేం బాధ లేదు ఎందుకంటే ప్రేక్షకులు మాత్రం నన్ను, నా సినిమాను ప్రేమిస్తున్నారు. అది చాలు. భవిష్యత్తులో నైనా ఆ వర్గాలు నన్ను యాక్సెప్ట్ చేస్తారేమో చూద్దాం’ అంటూ అనిల్ రావిపూడి చెప్పుకొచ్చాడు. ఎప్పుడు నవ్వుతూ మాట్లాడే అనిల్ లోపల ఇలాంటి ఒక ఎమోషన్ ఉండటం నిజంగా బాధాకరం.