Akanda 2 : బాలయ్య ‘అఖండ 2’ రిలీజ్ డేట్ పై బిగ్ అప్డేట్
నందమూరి బాలకృష్ణ, దర్శకుడు బోయపాటి శ్రీను కాంబోలో రూపొందుతున్న సినిమా ‘అఖండ 2’. గతంలో వచ్చిన ‘అఖండ’ ఎలాంటి సూపర్ హిట్గా నిలిచిందో చెప్పక్కర్లేదు. బాక్సాఫీస్ వద్ద భారీ వసూళ్లు సొంతం చేసుకున్న నేపథ్యంలో ఈ సీక్వెల్పై అంచనాలు పెరిగాయి. మొదటి పార్ట్ కథకు కొనసాగింపుగా ‘అఖండ 2’ కథ ఉంటుందని తెలుస్తోంది. అలాగే మొదటి పార్ట్లోకి కొన్ని పాత్రలు రిపీట్ కాబోతున్నాయి, ఇక సీక్వెల్లోనూ బాలయ్య రెండు విభిన్నమైన పాత్రల్లో కనిపించడం విశేషం.
Also Read : Malavika : అనుకున్నా గౌరవం దక్కింది..
అయితే షూటింగ్ తోందరగానే మొదలైనప్పటికి.. బాలయ్య రాజకీయాలతో బిజీగా ఉండటం వల్ల షూటింగ్ వాయిదా పడుతూ వచ్చింది. మొత్తానికి అఖండ 2 సినిమా ముగింపు దశకు చేరుకుంది. కానీ విడుదల విషయంలో మాత్రం చిక్కులు తప్పడం లేదు. సినిమాను దసరా కానుకగా విడుదల చేయాలని భావించిన మేకర్స్, వీఎఫ్ఎక్స్ వర్క్కి సమయం ఎక్కువ పడుతున్న కారణంగా, విడుదల వాయిదా వేయాలని భావిస్తున్నట్లు తెలుస్తోంది. మొదటగా ఈ సినిమా 2026 సంక్రాంతికి విడుదల చేస్తునట్లుగా ప్రచారం జరిగింది. కానీ ఈ 2026 సంక్రాంతికి పెద్ద సినిమాలు పోటీ ఉన్నాయి. ముఖ్యంగా అనిల్ రావిపూడి సినిమా రంగంలోకి దిగబోతుంది, చిరంజీవి- అనిల్ రావిపూడి కూడా అప్పుడే దిగుతున్నారు. అందుకే ఈ సినిమాను సంక్రాంతి బరిలో కాకుండా, ముందుగానే తీసుకు వచ్చే విధంగా ప్లాన్ చేస్తూన్నారట. అందులో భాగంగానే దసరా మిస్ అయితే క్రిస్మస్కి అఖండ 2 సినిమాను ప్రేక్షకుల ముందుకు తీసుకు వచ్చే విధంగా, ప్లాన్ చేస్తున్నారు అంటూ, ఇండస్ట్రీ వర్గాల ద్వారా సమాచారం అందుతోంది. దీని అధికారిక ప్రకటన రావాల్సి ఉంది.