krithi shetty : కృతికి మరో బంపర్ ఆఫర్..!

 

టీనేజ్ బ్యూటీ కృతి శెట్టి ఏ ముహూర్తన హీరోయిన్‌గా అడుగుపెట్టిందో గానీ.. వరుస ఆఫర్స్‌తో దూసుకుపోతోంది. తన క్యూట్‌నెస్‌తో కట్టిపడేస్తున్న ఈ బ్యూటీ.. తెలుగు, తమిళ్‌లో భారీ ఆఫర్స్ అందుకుంటోంది. తాజాగా కృతికి మరో కోలీవుడ్ స్టార్ హీరో సరసన ఛాన్స్ దక్కినట్టు తెలుస్తోంది. దాంతో కృతి అక్కడ సీనియర్ హీరోయిన్లకు చెక్ పెట్టేసిందని అంటున్నారు. ఇంతకీ కృతి ఏ స్టార్ హీరోతో రొమాన్స్ చేయబోతోంది..?

ప్రస్తుతం ఉన్న యంగ్ హీరోయిన్లలో కృతి శెట్టి టైం నడుస్తోంది. ఉప్పెన సినిమాతో ఆకట్టకున్న ఈ బ్యూటీ.. ఆ తర్వాత వరస ఆఫర్స్ అందుకుంటోంది. ఉప్పెన తర్వాత శ్యామ్ సింగరాయ్, బంగార్రాజు సినిమాలతో.. బ్యాక్ టు బ్యాక్ హిట్స్ అందుకొని హ్యాట్రిక్ హీరోయిన్‌ అనిపించుకుంది. దాంతో ప్రస్తుతం ఈ బ్యూటీకి స్టార్ హీరోయిన్లు సైతం ఈర్షపడేలా భారీ ఛాన్స్‌లు వస్తున్నాయి. ఇప్పటికే తెలుగులో సుధీర్ బాబు సరసన ‘ఆ అమ్మాయి గురించి మీకు చెప్పాలి’.. నితిన్ జంటగా ‘మాచర్ల నియోజికవర్గం’.. రామ్ పోతినేని జోడిగా ‘ది వారియర్’ అనే సినిమాల్లో నటిస్తోంది. వీటితో పాటు మరికొన్ని సినిమాలను ఆమె హోల్డ్ లో పెట్టినట్టు తెలుస్తోంది. ఇక తమిళ్‌లో గ్రాండ్‌గా ఎంట్రీ ఇవ్వబోతోంది ఈ చిన్నది. విలక్షణ దర్శకుడు బాలా-స్టార్ హీరో సూర్య కాంబినేషన్‌లో రూపొందుతున్న సినిమాతో.. కృతిశెట్టి కోలీవుడ్‌లోకి ఎంట్రీ ఇస్తోంది. ప్రస్తుతం ఈ సినిమా షూటింగ్ స్టేజ్‌లో ఉంది. ఇక ఇప్పుడు హీరో ధనుష్‌ సరసన కూడా.. కృతి ఛాన్స్ దక్కించుకున్నట్టు తెలుస్తోంది. అరుణ్‌ మాధేశ్వరన్‌ దర్శకత్వంలో ధనుష్ ఓ సినిమా చేయబోతున్నారు. ఈ సినిమాలో ముందుగా ప్రియాంకా అరుళ్‌ మోహన్‌ను అనుకున్నారట. కానీ తాజాగా ఈ బ్యూటీ తప్పుకోవడంతో.. ఆ ఛాన్స్ కృతిశెట్టికి వరించినట్టు కోలీవుడ్‌ వర్గాల సమాచారం. దాంతో కృతి సీనియర్ హీరోయిన్లకు చెక్ పెట్టడమే కాదు.. అటు తమిళ్.. ఇటు తెలుగులోను మోస్ట్ వాంటేడ్ హీరోయిన్‌గా మారిపోయిందని చెప్పొచ్చు.